Gigi Hadid skandalından sonra, 26 yaşlı model Bella Hadid iki illik münasibətdə olduğu sevgilisi Mark Kalmanla gizli şəkildə ayrılıb. Səbəb maraqlı olub: "münasibət özü-özünə tükəndi" deyirlər.

Sfera.az bildirir ki, Bella Hadid və 35 yaşlı Kalman romantika öz-özünə tükəndikdən sonra yazda ayrılmaq qərarına gəliblər. Onlar bu barədə heç yerdə məlumat və şərh verməyiblər.

Adı açıqlanmayan mənbə:

"Onlar çox aşiq idilər, lakin sonda münasibətlər tükəndi və onlar bunu bitirməyə qərar verdilər"- deyib.

Reper Travis Scott ilə işləyən Kin Euphoricsin bədii rəhbəri və həmtəsisçisi Mark və Bella 2020-ci ildə tanış olub, lakin yalnız növbəti il münasibətlərini elan edib və birlikdə ictimaiyyət arasında görünməyə başlayıblar.

Jurnalistlər və Bellanın dostları birlikdə çox xoşbəxt olduqlarını bildiriblər. Markı isə Bella Hadidin ailəsi, xüsusən də anası Yolande hədsiz bəyənirdi.

Bella hazırda gənə yoluxucu xəstəlik olan Lyme xəstəliyi ilə mübarizə aparmaq üçün dörd aydır məzuniyyətdədir. Modelin nümayəndələri bu açıqlamanı onun uzun müddətdir ictimaiyyət qarşısına çıxmaması və reabilitasiya mərkəzində olması ilə bağlı söz-söhbətlər yayılmağa başladığı üçün verib.

"Doqquz ay əvvəl Bella içməyi dayandırmaq qərarına gəlib,buna görə də alkaqoldan imtina edib. Doqquz aydır ki, ayıqdır və heç vaxt spirt və ya narkotik problemi olmayıb. Bella reabilitasiya kursunda deyil. O, müalicə olunur"- deyə məlumatda bildirilir.

Qeyd edək ki, Bella Hadid və anası Yolanda 2012-ci ildə Lyme xəstəliyinə yoluxub. Ehtimal ki, bu onların Santa Barbaradakı ranchosunda baş verib.

16 yaşında rəsmi olaraq diaqnoz tapılmazdan əvvəl Bellaya DEHB diaqnozu qoyulub. Özünü müalicə etməyə başlayan Bellanın, nəticədə depressiya və böyük sağlamlıq problemlər olub.

O, evdə təhsilə keçib və daimi başgicəllənmə səbəbindən at sürməyi dayandırıb. Ancaq xəstə olduğuna yalnız anası inanıb və onu həkimlərə aparıb.

Yolanda hətta bu barədə "Trust Me" adlı kitab da yazıb. Nevada Universitetində qızı ilə birlikdə diaqnoz qoyulmazdan əvvəl kök hüceyrə transplantasiyası və 106 həkim əməliyyatından keçməli olduğunu qeyd edib. Ana və qızı sonradan Meksikanın Tixuana şəhərində müalicə olunublar.

"Lyme xəstəliyinin alovlanmaları hər zaman baş verir. Bəzən yaxşıyam, bəzən isə sözün əsl mənasında yataqdan qalxa bilmirəm" deyən Bella xəstəliyinin digər əlamətlərinə dəri rənginin dəyişməsi, səpgilər, süstlük, xroniki narahatlıq, motivasiyanın olmaması, bağırsaq problemləri və depressiya daxil olduğunu bildirib.

Xatırladaq ki, Bella Hadidin bacısı model Gigi Hadid Kayman adalarında həbs edilmişdi. Onun çantasında marixuana aşkar edilib.

Aynil

Sfera.az

Hadid bacılarına göz dəydi - İki illik münasibətdən sonra sevgilisindən ayrılıb - FOTO