"Kurtlar Vadisi Pusu” serialının baş aktyoru Necati Şaşmaz bu gün polisə ifadə verib.

ATV.az-ın məlumatına görə, o, "Pana Film"in "Kurtlar Vadisi Darbe” adının qeydiyyatı üçün müraciət etməsi barədə sualları cavablandırıb. Necati Şaşmazın ifadəsinin mətni barədə məlumat verilmir. 
Qeyd edək ki, hərbi çevrilişə cəhddən əvvəl "Pana Film"in "Kurtlar Vadisi Darbe” adlı serialın qeydiyyatı üçün Patent İnstutuna müraciət etməsi müzakirələrə yol açıb. Bəzi dairələr iddia edir ki, "Pana Film" rəsmiləri 15 iyul hadisələrinin baş verəcəyini əvvəlcədən bilib. Şirkət isə açıqlamasında bildirib ki, həmin serialdakı sujet xətti Türkiyə tarixində baş verən əvvəlki hərbi çevrilişləri əhatə edəcəkdi.