Burada təvazökarlığa yer yoxdur - Ən açıq Oskar 2023 paltarları +Top3-lük

95-ci Oskar 2023 mükafatlandırma mərasimi sona çatıb, lakin ulduzların geyimləri hələ uzun müddət moda tənqidçilərinin diqqət obyekti olaraq qalacaq.
 

Sfera.az ən gözəl və ən uğursuz obrazlar haqqında yazı təqdim etmişdi, indi isə ən açıq Oskar geyimlərinin Top3-lüyünü təqdim edirik.
 

Lady Gaga
 

İndiyə qədər bir “Oskar”ı olan 36 yaşlı müğənni və aktrisa daha bir heykəlcik iddiasındadır. Qələbə ona çatmasa da, məşhur diqqətdən yayınmayıb. Qırmızı xalçada o, “Versace”dən dəbdəbəli və eyni zamanda olduqca cəsarətli geyimdə görünüb. Uzunqol qara paltarda şəffaf korset, döşəməyə qədər qabarıq yubka və omba hissəsində kristalla bəzədilmiş bel kəməri olan Qaqanın paltarının arxası bəlkə də ən dramatik idi. Onun yubkası ombasının altına düşmüş, bel xətti aşağı düşmüş və torlu üst hissəsində çoxlu döymələr görünürdü.
 

Sənətçi dumanlı göz makiyajı, parıldayan qırmızı pomada və 1950-ci illərin platin və brilyant boyunbağı da daxil olmaqla “Tiffany & Co”zinət əşyaları ilə görünüşünü tamamlayıb.
 

Qeyd edək ki, bu geyimi ilk dəfə ötən həftə Hollivudda baş tutan 2023-cü ilin payız-qış moda nümayişi zamanı italyan brendi təqdim edib və Gigi Hadid podiuma onunla çıxıb.


Lady Gaga Versace paltarında



 

Eva Longoria

47 yaşlı Eva Lonqoriya həddindən artıq şəffaf paltar geyinməyə cəsarət etmədiyi üçün bütün diqqəti belin çox dərin dekoltesinə çevirib. Qırmızı xalçada o, bu ilin yanvarında Paris Moda Həftəsində nümayiş olunan Zuhair Muradın ən son yaz kolleksiyasından olan kutyur geyimində görünüb.
 

Onun şəffaf krem ​​rəngli güpur parçadan tikilmiş, cəsarətli dekolteli, dalğalı qolları və yerə qədər ətəkləri olan paltarı gümüş rəngli payetlər və daşlarla həndəsi naxışlarla bəzədilmiş “Art Deco” dizaynını xatırladıb. Paltar aktrisanın brilyant qaşlı “Chopard” sırğaları və üzükləri ilə mükəmməl kombin yaradıb. Longoria bu görünüş üçün metal platformalı açıq burunlu ayaqqabı seçib.
 

Makiyaj üçün aktrisa dumanlı gözlərdən və şaftalı rəngli açıq dodaq boyasından istifadə edib.


Zuhair Murad kolleksiyasında Eva Longoria



Ashley Graham

Bədən pozitivliyinin simvolu olan 35 yaşlı model, iş qadını və çoxuşaqlı ana Eşli Qrem ən səs-küylü tədbirdə bədən quruluşunu nümayiş etdirməkdən qaçmayıb. Qırmızı xalçada o, qara kombində özünü göstərib. Model şifon mələk qolları, kəsikli korset və büllur naxışlı yubka ilə sifarişlə hazırlanmış “Alberta Ferretti” donu geyinib. Qara alt paltarı şəffaf ətəyinin altından görünüb. Graham görünüşü almaz sırğalar və parlaq “Eternity” üzüyü də daxil olmaqla “Pandora” zinət əşyaları ilə tamamlayıb.


Axşam görünüşünü yaratmaq üçün Graham stilist Emily Evans ilə əməkdaşlıq edib. Stilist sənətçini “Balmain”, “Etro” və “Victoria Beckham” kimi brendlərlə geyindirib.


“Alberta Ferretti” Ashley Graham

Aynil
Sfera.az