“Tom Braun” idman markası “Adidas”a qarşı paltarda üç zolaqdan istifadə hüququ haqqında iddia tələbinə görə məhkəmədə qalib gəlib.
 

Sfera.az bildirir ki, “Adidas” nümayəndələri rəqiblərini 2021-ci ildə Manhetten məhkəməsinə verib. Brendin tanınan geyim etiketindən istifadə etdiklərinə görə 7,8 milyon dollar təzminat tələb ediblər.

Ancaq “Adidas” və “Thom Browne” zolaqlarının sayı belə uyğun gəlmir. “Thom Browne” markasında bu zolaqlardan biri artıqdır. Buna görə də məhkəmə insanların zolaqları yalnız Adidas idman markası ilə əlaqələndirməməsinə qərar verib.


Bundan əlavə, Tom Braun məhkəmə iclasları zamanı bildirib ki, uşaqlıqdan idman onun həyatının ayrılmaz hissəsi olub, ona görə də onun yaratdığı geyimlər arasında həmişə idman elementləri olub.


2008-ci ildən bəri idman nəhəngi əmtəə nişanına görə təxminən 100 dəfə məhkəməyə verilib. İlk məhkəmə proseslərindən sonra Tom Braun üç yox, dörd zolaqdan istifadə etməyə başlayıb. Nəticə etibarı ilə bu da rəqiblərin milyonlarla təzminat tələb etmələrini çətinləşdirib.

Tom Braunun sözlərinə görə, o və Adidas çox fərqli brendlərdir. Fərqli bazarlarda, fərqli müştərilərlə və tamamilə fərqli qiymət seqmentlərində işləyirlər.

Aysel