Ən cazibədar qadınlarından biri ilk dəfə qızını göstərdi - FOTO
90-cı illərdə dünyanın 30 ən cazibədar qadınlarından biri hesab olunan gözəllik ilahəsi Naomi Kempbell uzun müddətdir ictimaiyyətdən və mətbuatdan uzaq gəzir.
Bu günə qədər Naomi hələ qızının adı və uşağın bioloji atası haqqında mətbuata heç bir açıqlama verməyib.
Sfera.az bildirir ki, 52 yaşlı britaniyalı supermodel Naomi Kempbell Maldiv adalarına istirahətə yollanaraq 16 aylıq qızını da özü ilə aparıb. Naomi istirahətindən şəkillərini İnstaqram səhifəsində paylaşıb.
Fotoda o, ağ bikinidə, gözəl bədənini nümayiş etdirərək poza verir və bir neçə şəkildə onun qızı da görünür.
Model-aktrisa şəkilləri "Mənim sevgim və Maldiv heyranlığı" başlığı ilə paylaşıb.
Tətildə Naomiyə model Elton Meyson, “PrettyLittleThing”in qurucusu Umar Kumani və nişanlısı Nada Adel də qatılıb.
Supermodel keçən may ayında Nyu-York Moda Həftəsində göründükdən bir neçə həftə sonra qızının doğulduğunu elan edərək pərəstişkarlarını heyrətə salmışdı. Eyni zamanda Naominin qarnı da görünmürdü. Buna görə də tezliklə uşağın övladlığa götürüldüyü barədə şayiələr yayılsa da, məşhurun özü övladlığa götürmə olmadığını iddia edir. O, qızla bağlı başqa ətraflı məlumat verməyib. Modelin sözlərinə görə, geniş əhatəsi və ailə üzvlərindən çox azı onun valideyn olmağı planlaşdırdığından xəbərdar olub.
"Ona sahib olduğumu bilən insanların sayını barmaqlarımla saya bilərəm. Amma o, təsəvvür edə biləcəyim ən böyük nemətdir. Bu, indiyə qədər etdiyim ən yaxşı şeydir"-deyə Naomi bildirib.
Son aylarda ulduz çox səyahət edir və tez-tez qızı da özü ilə aparır:
"Xoşbəxtəm ki, körpəm də mənim qədər səyahət etməyi sevir - uçuş və eniş zamanı ağlayıb-sızlamadan. O, yaxşı qızdır. Çox yaxşı yatır, demək olar ki, heç ağlamır. Həmişə bilirdim ki, bir gün ana olacağam, amma bu təsəvvür edə biləcəyim ən böyük sevincdir. Ona sahib olduğum üçün şanslıyam və bunu bilirəm”.
Qeyd edək ki, 15 yaşından model olaraq fəaliyyət göstərən Naomi “Vogue” və “Time” jurnallarının üz qabığında görünən ilk qaradərili qız olmuşdur.
Aysel
