ABŞ müğənni Jasminə sanksiya tətbiq etdi

ABŞ Maliyyə Nazirliyi Rusiyadan olan şirkətlərə və vətəndaşlara yeni sanksiyaların tətbiq edildiyini açıqlayıb.

Sfera.az xəbər verir ki, bu barədə RİA Novosti ABŞ-ın sanksiyalar siyahısına əlavələrə istinadla xəbər yayıb.

Müğənni Jasminin (Sara Şor) ilə yanaşı, əri İlan Şor və Moldovadakı partiyası da sanksiyalara məruz qalıb.

“Milli Mühəndislik Şirkəti” ASC, “Zolotoy Vek” MMC, “Aqro-region” MMC və digər şirkətlərə də məhdudiyyətlər qoyulduğu aydınlaşdırılır.

Eyni zamanda Rusiyanın keçmiş baş prokuroru Yuri Çaykanın oğlu İqor Çaykaya qarşı da sanksiyalar tətbiq edilib.