Deputat Novruz Aslanın ölməz mahnısı yeni ifada - VİDEO

Gənc müğənni Nurlana millət vəkili Novruz Aslanın bəstəsinə müraciət edib.

Sfera.az bildirir ki, ifaçı Xanım İsmayılqızının sözlərinə yazılan, vaxtikən Xalq artisti İlhamə Quliyevanın səsləndirdiyi “Unuda bilməz” mahnısına klip çəkdirib.

O, bu barədə fikirlərini belə ifadə edib:

“İlhamə xanımın ifasında Novruz Aslanın Xanım İsmayılqızının sözlərinə yazdığı bu mahnını uşaqlıqdan sevirdim və hər zaman ifa etməyi arzulayırdım. Amma düşünürdüm ki, bu mövzuda İlhamə xanımın ifasına bir qədər yaxın olmaq üçün daha aqil, müdrik, kamil olmaq lazımdır. İllər keçdi, artıq böyüdüm və hesab etdim ki, vaxtı gəlib. Mahnını oxudum və 20 il əvvəl bu nəğməyə çəkilən klipin rejissoru Ülviyyə Könülə müraciət etdim. İstədim ki, 20 il əvvəlki ab-havanı təkrarlayaq və Əməkdar artist Firdovsi Atakişiyevlə birgə həmin hissləri tamaşaçılara bir daha ötürək. Mən bu ifamı və klipi Xalq artisti İlhamə Quliyevanın əziz xatirəsinə həsr edirəm”.

Həmin klipi təqdim edirik:

Türkan,

Sfera.az