“O, məni bazar günündən çərşənbə gününə kimi zorladı” - Məşhur rejissor məhkəmə qarşısında

“Ceyms Bond” seriyasındakı bəzi filmlərin ssenari komandasında olan, “Oskar” mükafatlı rejissor Paul Haqqis haqqında inanılmaz iddialar səsləndirilib.

Sfera.az bildirir ki, adı açıqlanmayan 30 yaşlı qadın məşhur rejissorun İtaliyadakı istirahət evlərinin birində günlərlə ona təcavüz etdiyini, daha sonra hava limanına atdığını iddia edib. Bu hadisələrdən sonra gənc qadına tibbi yardım göstərildiyi də bildirilib. Dünən İtaliyada qapalı şəkildə məhkəmə qarşısına çıxan Paul Haqqisin vəkili isə bütün iddiaları təkzib edib. Vəkil Priya Çadri rejissorun günahsızlığının tezliklə üzə çıxacağını söyləyib. Açıqlamaya görə, Paul hadisələr zamanı “Puglia” Film Festivalı üçün ölkədə olub.

Rejissor isə bir müddətdir İtaliyada oteldə saxlanılır. Məhkəmə bu prosesin uzadılmasına qərar verib. Haqqisin təcavüzünə məruz qaldığı iddia edilən gənc qadının vəkilləri onun həbs olunmasını tələb ediblər. Təcavüzə uğradığı iddia edilən qadın həmçinin ifadəsində Paulu bir müddətdir tanıdığını bildirib. Brindizidə Haqqislə görüşdüklərini deyən zərərçəkən "Əslində birlikdə işləyəcəkdik. Amma əvəzində o, məni bazar günündən çərşənbə gününə kimi zorladı. Sonra məni Brindisi hava limanına atdı” deyə söyləyib. Polisin məlumatına görə, gənc qadın hava limanının bir küncündə stüardessa tərəfindən tapılıb. Onu tapan stüardessa da ifadəsində gənc qadının ruhdan düşdüyünü və çətinliklə danışdığını bildirib. Şahid ifadələrində də hava limanının klinikasında həkim qrupları tərəfindən nəzarətə götürülən qadının həm fiziki, həm də ruhi vəziyyətinin pis olduğu vurğulanıb.

Haqqis isə məhkəmədə Monte Karloda gənc qadınla qısa söhbət etdiklərini və onun “Ceyms Bond” filmində rol almağı nə qədər çox istədiyini dediyini iddia edib. Rejissorun sözlərinə  görə, qadın daha sonra ona çəkdirdiyi fotoşəkili göndərib, hətta onunla görüşməkdən böyük şərəf duyduğunu bildirib:

“Onunla Brindisi yaxınlığındakı Ostunidə görüşdük. Qaldığımız otelə getdik və o, məni ehtirasla öpməyə başladı. Həmin gün onunla birlikdə oldum, lakin razılığı var idi. Bir müddət sonra dostları ilə görüşüb içkili vəziyyətdə geri döndü. Sonda onu Brindisi hava limanına ötürdüm. Hətta məndən pul istədi, amma vermədim”.

Qeyd edək ki, bu, Paul Haqqisin üzləşdiyi ilk təcavüz iddiası deyil. Rejissor və ssenarist 2018-ci ildə də oxşar ittihamla üzləşib.

Türkan