\"Conni çox yaxşı aktyordur\" - Məhkəmədə məğlub olan Amber Hörd ilk dəfə danışdı

Keçmiş həyat yoldaşı Conni Deppin ona qarşı açdığı böhtan iddiasında məğlub olan və məhkəmə prosesi milyonlarla insan tərəfindən izlənilən aktrisa Amber Hörd  qərardan sonra ilk dəfə danışıb.

Sfera.az bildirir ki, “NBC” televiziyasına müsahibə verən aktrisa  insanların dediklərinə əhəmiyyət vermədiyini söyləyib. O, fikirlərinə bu cür davam edib: 

“Şəxsi həyatımda, evliliyimdə, bağlı qapılar arxasında baş verənlərlə bağlı insanların mühakimələri məni maraqlandırmır. İnsanların da bu haqda bilməli olduğunu düşünmürəm, ona görə də deyilənləri şəxsi qəbul etmirəm. Amma bütün nifrət və pis sözlərə layiq olduğumu, yalan dediyimi düşünən insanlar belə gözümün içinə baxıb bu işin ədalətli şəkildə getdiyini deyə bilməzlər”. 

A.Hörd, həmçinin əlavə edib ki, Deppin dediklərinə inandıqları üçün münsiflər heyətini günahlandırmır.

“NBC”nin aparıcısı Savanna Qufri münsiflər heyətinə yalan danışdığını xatırladanda aktrisa,  "Onlar necə belə nəticəyə gələ bilirlər? Məni üç həftə yarım dinlədikdən sonra ağzımdan çıxan sözə necə inanmasınlar? Onları qınamıram,  hətta başa düşürəm. Conni çox məşhur bir addır və insanlara elə gəlir ki, onu tanıyırlar. O, çox yaxşı aktyordur”.

Türkan 
Sfera.az