Uill Smitin həyat yoldaşı aylar sonra şillə qalmaqalına aydınlıq gətirdi: \"Bu iki parlaq, istedadlı kişi...\" 

Amerikalı aktyor Uill Smitin həyat yoldaşı, ərinin komediya ustası Kris Roka şillə vurması ilə bağlı aylar sonra ilk dəfə danışıb.

Sfera.az bildirir ki, o, “Red Table Talk” adlı verilişdə səssizliyini pozub. 

Cada Smit hadisəni "şok" olaraq xarakterizə edərək bu fikirləri qeyd edib: 

“Oskar gecəsinə gəlincə, ümid edirəm ki, bu iki parlaq, istedadlı kişi danışmaq və barışmaq imkanı əldə edəcəklər. Bu gün dünyanın bu vəziyyətində hər ikisinə ehtiyacımız var. Və əslində hamımızın bir-birimizə əvvəlkindən daha çox ehtiyacımız yaranıb. O vaxtdan bəri, Uill və mən son 28 ildə etdiyimiz işi etməyə -  birlikdə yaşamaq deyilən bu şeyi başa düşməyə davam edirik”.

Xatırladaq ki, Los-Ancelesdə keçirilmiş 94-cü "Oskar" kino mükafatlarının təqdimat mərasimində aktyor Uill Smit həmkarı Kris Roka şillə vurmuşdu. O, bu addımı Kris Rokun onun həyat yoldaşının xəstəliyi ilə bağlı zarafatından sonra atmışdı. Bir müddət sonra Uill Smit hərəkətinə görə üzr istəmişdi.

Türkan 
Sfera.az