Murad Arifdən "Səs Azərbaycan"la bağlı tənqidlərə CAVAB: "Bu şou ideal olmayacaq"
Bəstəkar-müğənni Murad Arif münsifi olduğu "Səs Azərbaycan” verilişi ilə bağlı tamaşaçıların tənqidinə cavab verib.
Sfera.az bildirir ki, ifaçı son illər Azərbaycan kanallarının keyfiyyəti dirçəltməyə, itirdikləri zövqü, tamaşaçıları, etibarı, o marağı geri qaytarmağa çalışdığını bildirib:
"Tamaşaçı isə təbii ki, skeptik, inamsız yanaşır, hər qüsuru qabardır, üzə vurur. Heç nə ideal deyil. "SƏS" şousu da həmçinin ideal olmayacaq. Suallar çoxdur – Bu niyə ordadı?; Bu niyə belə geyinib?; Bu nə şitlikdir?; Bu qıza niyə dönmədilər?; Bunu niyə çıxartdılar? və.s".
O qeyd edib ki, televiziyalara qonşu ölkələrin efir təcrübəsi, efir effekti ilə müqayisə edib, önyarğısız baxmaq çətindir:
"Amma, vacib bir məqam var. Özümüzü dəstəkləməsək, özümüzə inanmasaq, baxmasaq, özümüzünküləri sevməsək, kənardan bunu edən olmayacaq”.
Türkan
Sfera.az
