Son günlər həddindən artıq arıqlaması ilə gündəmi zəbt edən Anjelina Jolie sağlamlığı barədə açıqlama verib.

BiG.AZ xarici mətbuata istinadən xəbər verir ki, aktrisanı bu barədə açıqlama verməyə məcbur edən onun haqqında gəzən dedi-qodular olub. Mediada Anjelianın bu dərəcədə arıqlayıb 35 kiloqram olmasına səbəb kimi onun anoreksiya xəstəliyinə tutulması, həyat yoldaşı Bred Pittin ona xəyanət etməsi, hətta boşanacaqlarına aid məlumatlar yer alıb.

1.69 sm boyu və 35 kiloqram çəkisi olan aktrisa isə bütün bunları təkzib edib. O, həyat yoldaşı ilə münasibətlərinin yaxşı olduğunu bildirib.

"Bu dərəcədə arıqlamağımın səbəbi "Sınmayan” filminin çəkilişləri üçündür. Filmdə bir məhbusun həyatını canlandıracağam. Məhbusları ifadə etmək üçün filmin aktyorları az yemək yeməyi məsləhət görür. Mən isə obrazı daha yaxşı canlandırmaq üçün heç yeməməyə üstünlük verdim”. 

Aktrisanın açıqladığı bu səbəb rezonans doğurub. Onu izləyənlər buna inanmadıqlarını bildiriblər.