“Laçın”ın sahibinin oğluna hökm oxundu
Kriminal
17:17 / 23.05.2019
2728
Bu il fevralın 9-da piyadanı vurub öldürməkdə təqsirləndirilən iş adamının oğlu Sunay Vəliyevə hökm oxunub.
"Qafqazinfo”nun verdiyi xəbərə görə, Xətai rayon Məhkəməsinin hökmü ilə S.Vəliyev 3 il 6 ay müddətinə azadlıqdan məhrum edilib.
S.Vəliyev "Laçın” Ticarət Mərkəzinin sahibi Məsud Vəliyevin oğludur. O, bahalı maşın kolleksiyalarını sosial şəbəkələrdə yaymaqla tanınıb. Məsud Vəliyev 2015-ci ildə dünyasını dəyişib.
1980-cı il təvəllüdlü S.Vəliyev Zığ yolu küçəsində idarə etdiyi "Mercedes-Benz GLS” markalı, 99-VS-999 dövlət qeydiyyat nişanlı avtomobillə yolu keçmək istəyən piyada 1969-cu il təvəllüdlü Müşfiq Əliyevi vuraraq ölümünə səbəb olub.
