Sfera.az türk mediasına istinadən xəbər verir ki, ölkənin cənubunda yerləşən Siciliya adasında mərkəzləşmiş "Cosa Nostra” qruplaşmasının üzvü olduğu ehtimal olunan 34 nəfər saxlanılıb.

 

Palermo prokurorluğunun Mafia ilə Mübarizə şöbəsinin təlimatıyla keçirilən "Kerkent” əməliyyat çərçivəsində Siciliya, Kalabria və Emiliya Romaqna əyalətlərində keçirilib.

 

İtaliya mətbuatı hüquq mühafizə orqanlarına istinad edərək həbs edilənlərin narkotik qaçaqmalçılıq, adam oğurluğu, zorlama, qanunsuz silah saxlama və cinayətkar qruplaşma yaratmaqda ittiham olunduqlarını bildirib. Saxlanılanlar arasında "Yuventus” futbol klubunun "Bravi ragazzi” fanklubunun iki lideri də var.