Bakı polisi maşını qaçıran musiqiçini yaxaladı

Bakı polisi maşını qaçıran musiqiçini yaxaladı Bakının Nəsimi rayonu ərazisindən avtomobil qaçıran şəxs saxlanılıb.

DİN-dən Sfera.az-a verilən məlumata görə, polis Bakı şəhər sakini Mehdi Əliyevin müraciəti əsasında dərhal əməliyyata başlayıb və maşını qaçıran şəxsin gecə klublarından birində DJ işləyən Teymur Maksimov olduğunu müəyyən edib.

O, şübhəli qismində saxlanılaraq 22-ci Polis Bölməsinə gətiriləndən sonra gecə vaxtı həmin ərazidən keçərkən maşının qapısının açıq vəziyyətdə olduğunu görərək bu əməli törətdiyini etiraf edib.

Faktla bağlı cinayət işi başlanılıb.