Polis 7,1 kilo narkotik ələ keçirib

Azərbaycan polisi Piralllahı və Mingəçevirdə keçirilən əməliyyatlarda ümumi çəkisi 7,1 kiloqram olan narkotik vasitə ələ keçirib.

Daxili İşlər Nazirliyindən Sfera.az-a verilən məlumata görə, Pirallahı rayonunda keçirilən əməliyyatda S.Vurğun küçəsində yaşayan, əvvəllər məhkum olunmuş Eldar Çumarinin evinə baxış zamanı 2,5 kiloqram, Mingəçevirdə keçirilən əməliyyat zamanı isə Goranboy rayon sakini, əvvəllər məhkum olunmuş Tariyel Abdulkərimova məxsus idman çantasından 4,6 kiloqram qurudulmuş marixuana aşkar edilərək götürülüb.

Hər iki faktla bağlı cinayət işi başlanılıb, zəruri istintaq və əməliyyat tədbirləri aparılır.