Uşaqlarını ataraq sevgilisinə qoşulub gedən Yağmuru öldürdülər: Əmisi oğlu...
![Uşaqlarını ataraq sevgilisinə qoşulub gedən Yağmuru öldürdülər: Əmisi oğlu...](https://sfera.az/photo/orginal/2017/05/29/355478.jpg)
Kriminal
20:16 / 29.05.2017
1387
İstanbulda keçən il ölü tapılan Yağmur Günəş və Uğur Can Taşdemirin qadının əmisi oğlu tərəfindən silahla öldürüldüyü məlum olub.
Şübhəli ilə Yağmur Günəşin ana-atası barəsində ömürlük həbs istəyi ilə iddia qaldırılıb. Məhkəmə təxirə salınıb.
19 yaşlı Uğur Can Taşdemir və 27 yaşlı Yağmur Günəş bir müddət əvvəl tanış olaraq sevgili olublar. Yağmur Günəşin boşandığı həyat yoldaşından 2 uşağı olub. Günəş tez-tez Taşdemirin və ailəsinin yaşadığı evdə qalıb. Uşaqlara da Yağmur Günəşin valideynləri baxıb. Yağmur Günəşin əmisi oğlu Cüneyt Günəş bir gün Uğur Can Taşdemirin bacısı Demetə zəng edərək görüşmək istədiyini deyib. Qız səbəbini soruşduqda "Yağmurun anası ikisini də öldürəcək" cavabını eşidib. Cüneyt Günəş axşam saatlarında telefonla cütlüyə zəng edib.
Yağmur Taşdemir "Qardaş, bizdən əl çək. Anama inanma. Mən burada xoşbəxtəm, hüzurluyam. Sən mənim qaldığım yeri bilirsən, istəyirsənsə gəl, gör", - deyib. Evə gəlmək istəmədiyini bildirən Cüneyt Günəş isə Yağmur və Uğur Canı yanına çağırıb. Deyilən ünvana gedən cütlüyü avtomobillə Maltepedə boş bir əraziyə aparan əmi oğlu burada evə qayıtmağı qəbul etməyən Yağmur Günəşə 2, Uğur Can Taşdemirə isə 3 dəfə atəş açaraq öldürüb.
Milli.az