Ukrayna Ali Radasının eks-spikeri qətlə yetirilib

Ukrayna Ali Radasının deputatı, parlamentin keçmiş spikeri olan Andrey Parubiy sui-qəsd nəticəsində qətlə yetirilib.

Sfera.az xəbər verir ki, o, avqustun 30-da yerli vaxtla saat 12.10-da Lvov şəhərində naməlum killer tərəfindən güllələnərək öldürülüb.

Məlumata görə, deputata 8 dəfə atəş açılıb.

Ukrayna Prezidenti Volodimir Zelenskinin göstərişi ilə Daxili İşlər Nazirliyi və Baş Prokurorluq birgə əməliyyat qrupu yaradılıb.

Ukrayna Ali Radasının sabiq spikeri, Avromaydanın liderlərindən biri Andrey Parubiyin Lvovda qətlinin bəzi təfərrüatları məlum olub.

Eks-spikerinin qətlinin təfərrüatları da məlum olub. Ukrayna mediası yazır ki, ona səkkiz dəfə atəş açılıb.

Hadisəni törədən şəxs silahı çantasına qoyaraq elektrikli velosipedlə ərazidən uzaqlaşıb.

Məlumata əsasən, atəş açan şəxs “Glovo” kuryeri olub. Onun qara-sarı dəbilqə geyindiyi, üzərində sarı rəngli qutu olduğu və elektrik velosipedində hərəkət etdiyi bildirilir.