Goranboyda baş verən ailə faciəsinin bəzi detalları AÇIQLANDI
Goranboyda baş verən ailə faciəsinin bəzi detalları məlum olub.
Sfera.az Bizim.Media-ya istinadən xəbər verir ki, 15 yaşlı Saleh Abdullayev 1978-ci il təvəllüdlü anası Lalə İsmayılovanı qısqanclıq zəminində aralarında yaranan mübahisə zamanı qətlə yetirib.
Bildirildiyinə görə ana ilə oğul arasında dəfələrlə mübahisə düşüb.
Dünən gecə saatlarında ana ilə oğul yenidən qızışan dava zamanı S.Abdullayev anasına boğaz və kürək nahiyyəsindən bir neçə bıçaq zərbəsi vurub. Səsi eşidən nənəsi, 1948-ci il təvəllüdlü Tamella İsmayılova onları ayırmaq istəyib. Daha sonra ətrafdakı qonşuları köməyə çağırmağa çalışsa da, nəvəsi qoca qadına da bıçaqla xəsarət yetirib.
Bıçaq zərbəsi alan hər iki qadın hadisə yerində ölüb. Keçirilən əməliyyatla S. Abdullayev saxlanılıb.
Əldə etdilən məlumata görə, Lalə İsmayılova həyat yoldaşından ayrılıb və uşaqları ilə anasının evində birgə yaşayırmışlar. Onun S.Abdullayevlə yanaşı, daha bir oğlu da var.
Qadın uzun müddət Goranboy Rayon Mənzil Kommunal Təsərrüfatı İsatehsalat Birliyində sahə rəisi kimi çalışırmış.
Faktla bağlı Goranboy Rayon Prokurorluğunda araşdırma başlanılıb.
