Bakıda 2 nəfəri öldürməkdə təqsirləndirilən Nurani Məmmədov, Tural Məmmədov, Yunis Rəhimov, Sərxan Şahbazov və Ramin Quliyevin cinayət işi üzrə növbəti məhkəmə prosesi keçirilib.

Sfera.az xəbər verir ki, Bu gün Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə təqsirləndirilən şəxs Tural Məmmədov sərbəst ifadə verib.

“Uşaqlarla oturmuşduq çay içirdik. Məhlədə idik. Birdən Ramindən Nuraniyə zəng gəldi. Dedi ki, bir məclis var ora gəl. Nurani də tək olmadığını dedi. Ramində Nuraniyə dedi ki, kim varsa, gəlin. Biz getdik Astoriya hoteldə 120 nömrəli kabinetin qarşısına. Daxil olanda gördük ki, bizim gözlədiyimiz kimi məclis deyil. Bir az sonra çöldən söyüş səsləri eşitdik. Qardaşım Nurani dedi çıxaq. Məndə dedim ki, çıxmayaq. İçkilidirlər. Sonra elə oldu ki, çıxdıq. Qardaşım dedi ki, nə olub.Şəxsimizə nalayiq ifadələr işlədildi. Mən də qayıdıb dedim ki, biz buraya qonaq kimi gəlmişik. Daha sonra qərara gəldik ki, çıxaq gedək başqa yerdə çay içək. Ramin yenə zəng elədi, dedi ki, hardasınızsa gəlirəm. Mən həmin an maşına getməli oldum. Gələndə artıq Ramində gəlmişdi. Ramin hədiyyə ilə gəlmişdi. Hədiyyə ad gününə görə idi. Hadisə zamanı “hədiyyə” bıçaqdan istifadə etməmişəm. Mənim cibimdə bıçaq var idi, ancaq ondan istifadə etmişəm. Əraziyə 5 maşınla təxminən 40 nəfər gəlmişdi. Onların hamısında da bıçaq var idi. Bizim uşaqlardan isə kimdə bıçaq olub olmadığını bilmirdim. Birdən qışqırıq səsi gəldi ki, Nuranini vurdular, Nuranini vurdular”.

Dövlət ittihamçısı və zərərçəkmişin hüquqi varisi təqsirləndirilən şəxslərə suallar ünvanlayıb.

Daha sonra çıxış edən Nurani Məmmədov özünü təqsirli hesab etmədiyini bildirib.

Onun sözlərinə görə “Mən sadəcə özümü müdafiə etmişəm. Ehtiyyatsız davranmışam, amma ilk məni bıçaqlayıblar”.

Zərərçəkmiş Fərid Alırzayevin hüquqi varisi təqsirləndirilən şəxs Tural Məmmədova və Nurani Məmmədovaya oğlunu kimin öldürdüyünü və bu qədər müddətdir niyə etiraf etmədiklərini soruşub.

Növbəti məhkəmə iclası 21 iyula təyin olunub.

Qeyd edək ki, insident 2022-ci ilin fevralında Nərimanov rayonunda baş verib. Hadisə zamanı Fərid Əlirzayevin və Şahin Bayramovun aldığı bıçaq xəsarətindən ölmələri barədə rayon prokurorluğuna məlumat daxil olub.

Araşdırmalara görə, Nərimanov rayonunda bir qrup şəxs tərəfindən Fərid Əlirzayev və Şahin Bayramov qarşı tərəfdən isə Nurani Məmmədov və digər şəxslər arasında kəsici-deşici alətlərdən istifadə edilməklə yaranmış münaqişə zəminində qərəzli xuliqanlıq hərəkətləri nəticəsində aldıqları xəsarətlərdən Şahin Bayramov və Fərid Əlirzayevin ölmələri müəyyən edilib.

Cinayət hadisəsinin törədilməsində günahkar bilinən Nurani Məmmədov, Tural Məmmədov, Yunis Rəhimov, Sərxan Şahbazov və Ramin Quliyevə cinayət məcəlləsinin 120.2.1 (qəsdən adam öldürmə) 120.2.2 (qəqsirkar şəxs üçün aşkar surətdə köməksiz vəziyyətdə olan şəxsi qəsdən öldürmə) 120.2.7 (xüsusi amansızlıqla və ya ümumi təhlükəli üsulla adam öldürmə) 221.3 (xuliqanlıq) 221.2.1 (qabaqcadan əlbir olan bir qrup şəxs tərəfindən törədilən xuliqanlıq) 228.4-cü ( qanunsuz olaraq odlu silah, döyüş sursatı əldə etmə və ya daşıma) maddə ilə ittiham irəli sürülüb. (Musavat.com)

2 nəfərin öldürüldüyü qanlı insidentlə bağlı məhkəmə başladı