Fransada “Qurani-Kərim”i yandıran şəxs saxlanıldı
Fransanın Rona bölgəsinə daxil olan Villeurbanne şəhərində yerləşən Errahma məscidində “Qurani-Kərim”in yandıran şəxs saxlanılıb.
Sfera.az “En Son Haber”ə istinadən xəbər verir ki, hadisə 2 iyun tarixində səhər namazından təxminən 20 dəqiqə əvvəl baş verib.
Naməlum şəxs məscidə daxil olaraq “Qurani-Kərim”i yandırıb və onun qalıqlarını məscidin giriş qapısının önünə ataraq hadisə yerindən uzaqlaşıb.
Fransa mətbuatının yaydığı məlumata görə, şübhəli şəxs daha sonra Lyon şəhəri yaxınlığında saxlanılıb və hüquq-mühafizə orqanları tərəfindən nəzarətə götürülüb.
Lyon Prokurorluğu tərəfindən yayılan açıqlamada saxlanılan şəxsin psixoloji cəhətdən “həssas və qeyri-sabit vəziyyətdə” olduğu bildirilib.
İslamofobiya xarakteri daşıyan bu hadisə ictimaiyyət tərəfindən kəskin reaksiya ilə qarşılanıb və müxtəlif dairələr tərəfindən qınanılıb. Hadisə ilə bağlı araşdırmalar davam etdirilir.
Bəsti Rəfizadə
Sfera.az
