“TikTok”da dələduzluq edən şəxs saxlanılıb - DİN

“TikTok” sosial şəbəkəsində özünü tikinti materiallarının satışı ilə məşğul olan şəxs kimi təqdim edərək vətəndaşları aldadan şəxs saxlanılıb.

Sfera.az xəbər verir ki, bu barədə Daxili İşlər Nazirliyinin Mətbuat Xidmətinin rəisi Elşad Hacıyev məlumat yayıb. 

Bildirilib ki, İsmayıllı Rayon Polis Şöbəsinin əməkdaşları tərəfindən həyata keçirilən əməliyyat tədbirləri nəticəsində sosial şəbəkə vasitəsilə vətəndaşların etibarından sui-istifadə edərək onlara maddi ziyan vuran şəxs müəyyən olunub.

Əvvəllər də oxşar əmələ görə məhkum olunmuş 40 yaşlı Vilyam Məmmədov dələduzluq ittihamı ilə saxlanılıb. O, “TikTok” platformasında müxtəlif vədlərlə insanları aldadaraq onlardan pul alıb, lakin öhdəliklərini yerinə yetirməyib.

Faktla bağlı cinayət işi başlanılıb və məhkəmənin qərarı ilə Vilyam Məmmədov barəsində həbs qətimkan tədbiri seçilib.

Bəsti Rəfizadə
Sfera.az