1a:T7e3,

Britaniya Xüsusi Qüvvələrinin sabiq üzvləri, Əfqanıstan və İraqda törədilən müharibə cinayətləri ilə bağlı şok açıqlamalar veriblər.

Sfera.az “NTV”yə istinadən xəbər verir ki, “BBC Panorama” proqramına danışan keçmiş əsgərlər, Xüsusi Hava Xidməti (SAS) və Xüsusi Qayıq Xidməti (SBS) üzvlərinin silahsız və əsir düşmüş insanları məqsədli şəkildə qətlə yetirdiklərini bildiriblər.

Əfqanıstanda xidmət etmiş keçmiş SAS üzvü bildirib ki, gənc bir oğlanın əllərini qandallayıb onu vurublar. "Onun uşaq olduğu aydın idi. Müharibə yaşı belə yox idi”, - deyən əsgərin sözlərinə görə, bu cür öldürmələr tez-tez baş verirdi. Əsgərin iddiasına görə daha sonra qurbanların yanına silah qoyulurdular ki, hadisə qarşıdurma kimi göstərilsin.

“BBC”nin hazırladığı araşdırma, 30-dan çox sabiq əsgərin ifadələrinə əsaslanır. Açıqlamalarda bəzi hərbçilərin “psixopat davranışlar” sərgilədikləri, qanunsuz əməliyyatları adiləşdirdikləri və silahsız insanları yuxuda ikən belə öldürdükləri bildirilib. Keçmiş SBS üzvləri də bölgəyə nəzarət əldə etdikdən sonra mülki şəxslərin kütləvi şəkildə öldürüldüyünü deyiblər.

Müdafiə Nazirliyi isə davam edən istintaqa tam dəstək verdiyini açıqlayaraq, bu mövzuda məlumatı olan bütün veteranlara irəli çıxma çağırışı edib. Nazirlik istintaq davam etdiyi üçün əlavə şərh verməyin uyğun olmadığını bildirib.

Araşdırmada sabiq baş nazir Devid Kemeronun da Əfqanıstandakı hərbi əməliyyatlarda mülki şəxslərin hədəfə alındığı barədə dəfələrlə xəbərdar edildiyi qeyd olunur.

Bəsti Rəfizadə
Sfera.az

4:[["$","script",null

Keçmiş əsgərlərdən etiraf: “Silahsız insanları yuxuda öldürürdülər”