Zorlanan qızını öldürən anaya 11 il həbs
Kriminal
14:51 / 23.01.2017
1529
Qızını qətlində təqsirləndirilən Züleyxa Cəfərovanın cinayət işi üzrə məhkəmə prosesi başa çatıb.
Lent.az-ın məlumatına görə, Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən prosesdə hökm oxunub. Hökmə əsasən Cəfərovaya 11 il həbs cəzası verilib.
Qeyd edək ki, bu il avqustun 3-də Sabunçu rayonunun Balaxanı qəsəbəsində yaşayan Züleyxa Cəfərova evində münaqişə zəminində 14 yaşlı qızı Ehsanə Cəfərovanı yaylıqla boğaraq öldürüb. Sabunçu Rayon Polis İdarəsinin 12-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Z.Cəfərova tutulub. İddialara görə, Ehsanə Cəfərovanın bibisi oğlu tərəfindən zorlandığını bildirilir. Və qeyd edilir ki, anası da bu səbəbdən qızını öldürüb.