Azərbaycan vətəndaşı Türkiyədə oteldə ölü tapıldı - FOTO
Azərbaycan vətəndaşı Türkiyədəki otellərin birində ölü tapılıb.
Sfera.az xəbər verir ki, Türkiyənin Samsun şəhərinin Cumhuriyet küçəsində yerləşən bir oteldə Azərbaycan vətəndaşı Ruslan Hüseynovun meyiti aşkarlanıb.
Azərbaycan vətəndaşı bu il fevralın 23-dən oteldə qalıb. Otel rəsmilərinin verdiyi məlumata əsasən, R.Hüseynov 3 gün otağından çıxmayıb. Otel işçiləri onun otağına baxış keçirdikdə R.Hüseynovu üzüstü yatar vəziyyətdə ölü tapıblar.
Otel işçiləri dərhal təcili tibbi yardıma və polisə məlumat veriblər. Polis və tibbi yardım qrupları hadisə yerinə gəlib. Aparılan ilkin müayinə zamanı müəyyən edilib ki, R.Hüseynovun hadisə yerində vəfat edib.
Şübhəli ölümün səbəbini tibbi ekspertlər müəyyən edəcək.
Hüseynovun ölümü ilkin tibbi baxış keçirənlər tərəfindən şübhəli hesab edilib. Polislər otel otağında və ətraf yerlərdə araşdırma aparıb. Şəxsin cansız bədəni dəqiq ölüm səbəbinin müəyyənləşdirilməsi üçün məhkəmə tibbi ekspertizasına göndərilib.
Altay
Sfera.az
