Dələduzluq artıb, oğurluq azalıb - Cinayət STATİSTİKASI

2024-cü ildə Azərbaycanda iqtisadi cinayətlərin sayında nəzərəçarpacaq azalma qeydə alınıb. 

Sfera.az Dövlət Statistika Komitəsinin məlumatlarına istinadən xəbər verir ki, 2024-cü ildə iqtisadi sahədə 13 550  cinayət törədilib. 2023-cü ilə nisbətən bu qəbildən olan cinayətlərin sayı 1 703 vahid və ya 11,2 faiz azalıb. 2023-cü ildə iqtisadi sahədə 15 2353 cinayət qeydə alınıb. Bu sahədə cinayətlərin çoxu oğurluq və dələduzluq formasında olur. Ötən il oğurluq faktlarının sayı 2 732 vahid azalaraq 4 219-a düşüb ki, bu da 39,3 faiz azalma deməkdir. 

Mənzillərdən oğurluq faktları daha çox azalıb. Mənzillərdən 2023-cü ildə 1 517 oğurluq olduğu halda ötən il 892 oğurluq faktı qeydə alınıb. 

Dələduzluq faktlarında isə artım qeydə alınıb. Bir ildə dələduzluq cinayətlərinin sayı 24 faiz artaraq 5 622-dən 6 972-yə çatıb. 

Vasif