"Narkotik alverçi"sinə bəraət verildi
Kriminal
17:23 / 19.01.2017
1724
Narkotik maddələrin qanunsuz dövriyyəsində təqsirləndirilən şəxsə bəraət hökmü verilib.
Bu barədə Lent.az-a vəkil Adəm Məmmədov məlumat verib.
O, bildirib ki, hüquqlarını müdafiə etdiyi Ağayev Vuqar AR CM-nin 234.1-ci maddəsi ilə ittiham verilərək məhəkəmənin qərarına əsasən həbs edilib: "Həm ciddi prosessual pozuntulara yol verilib, həm də üzərində narkotika aşkar olunmamasına baxmayaraq, saxta ittihamlarla cinayət məsuliyyətinə cəlb edilib. 8 aylıq həbsdən sonra, bu gün Nəsimi rayon Məhkəməsinin hakimi Şəlalə Həsənova növbəti ədalətli qərarı qəbul etdi. V.Ağayev təqsirsiz olduğundan və cinayət əməli sübuta yetirilmədiyindən barəsində bəraət hökmü çıxarıldı”.
Vəkil bildirib ki, məhkəmədə istintaqı düzgün aparmayan müstəntiq və təhqiqatçı barədə tədbir görülməsi üçün xüsusi qərar qəbul olunub.