Uşaq bağçalarına işə qəbul adı ilə insanları aldatdı - HƏBS EDİLDİ + VİDEO

Sosial şəbəkələrdə uşaq bağçalarına işə qəbulla bağlı saxta elanlarla insanları aldadan və onların pul vəsaitlərini ələ keçirən şəxs müəyyən olunub.

 

Bu barədə Sfera.az-a Daxili İşlər Nazirliyindən məlumat verilib. Qeyd olunub ki, vətəndaşlara qarşı kütləvi dələduzluq əməllərində şübhəli bilinən daha bir nəfər - 1995-ci il təvəllüdlü Mirnicat Əmirov saxlanılıb.

 

“Müəyyən edilib ki, M.Əmirov onunla əlaqə saxlayan hər bir vətəndaşdan işə qəbulla bağlı müraciətin qeydə alınması üçün müxtəlif məbləğlərdə pulun onun kartına köçürülməsini tələb edib. O, həmin pulları nağdlaşdırdıqdan sonra zərərçəkənlərin əlaqə nömrələrini bloklayıb. Şübhəli şəxsdən çoxsaylı bank kartları, elan saytlarında yerləşdirdiyi mobil telefon nömrələri və digər elektron sübutlar aşkar olunaraq götürülüb”.

 

Qurumdan bildirilib ki, faktla bağlı araşdırmalar davam etdirilir: “Bir daha vətəndaşlara tövsiyə edilir ki, elan saytlarında yerləşdirilən məlumatlara münasibətdə diqqətli olsunlar, onlayn ödənişlər etməsinlər”.

 

Günay