Qəsdən adam öldürməkdə şübhəli bilinən şəxs tutuldu
Qəsdən adam öldürməkdə şübhəli bilinən şəxs tutulub.
Bu barədə Sfera.az-a Masallı rayon prokurorluğundan məlumat verilib. Qeyd olunub ki, hadisə noyabrın 26-sı saat 01 radələrində baş verib.
“Masallı şəhəri ərazisində yerləşən evlərdən birində 1984-cü il təvəllüdlü Siruz Mehdiyevin ölməsi barədə rayon prokurorluğuna məlumat daxil olub. Araşdırmalarla 2000-ci il təvəllüdlü İsrafil Cavadovun aralarında yaranmış mübahisə zamanı bıçaqla xəsarətlər yetirərək Siruz Mehdiyevi qəsdən öldürməsinə əsaslı şübhələr müəyyən edilib”.
Qurumdan bildirilib ki, faktla bağlı Masallı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb:
“İsrafil Cavadov polis əməkdaşları tərəfindən saxlanılaraq istintaqa təhvil verilib və rayon prokurorluğu tərəfindən şübhəli şəxs qismində tutulub. İbtidai istintaq davam etdirilir”
Günay
