Bank kartlarından oğurluq edən qadın və kişi SAXLANILDI
![Bank kartlarından oğurluq edən qadın və kişi SAXLANILDI](https://sfera.az/photo/orginal/2024/07/26/1721977199_265723.jpg)
Kriminal
11:06 / 26.07.2024
3369
Bank kartlarından oğurluq edənlər saxlanılıb.
Bu barədə Sfera.az-a Daxili İşlər Nazirliyinin mətbuat xidmətindən məlumat verilib.
Belə ki, Bakı şəhər sakini olan qadın bank kartından 301 manatının oğurlanması ilə bağlı polisə müraciət edib. Nərimanov RPİ 17-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən İ.Kərimov müəyyən olunaraq saxlanılıb.
Abşeron Rayon Polis İdarəsi əməkdaşlarının keçirdikləri tədbirlərlə isə bir nəfərin bank kartından 310 manatını oğurlamaqda şübhəli bilinən qadın saxlanılıb.
Hər iki faktla bağlı araşdırma aparılır.
Firuzə Əliyeva