Azad olunan ərazilərdə pulemyot, avtomat və qumbaralar tapıldı - FOTO
![Azad olunan ərazilərdə pulemyot, avtomat və qumbaralar tapıldı - FOTO](https://sfera.az/photo/orginal/2024/07/20/1721457785_5880c9ec-ce2c-341a-8de2-b5f84ef1585d_850.jpeg)
Kriminal
11:03 / 20.07.2024
3930
Polis əməkdaşları 13-19 iyul tarixlərində işğaldan azad olunan ərazilərdə pulemyot, avtomat və qumbaralar aşkarlayıblar.
Bu barədə Sfera.az-a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, həyata keçirilən tədbirlərlə polis əməkdaşları tərəfindən Xankəndi şəhəri ərazisindən 25 avtomat silahı, 6 tüfəng, 17 qumbara, 11 alışdırıcı, 39 patron darağı, 1965 ədəd müxtəlif çaplı patron, 3 süngü-bıçaq və digər sursatlar, Şuşa şəhəri ərazisindən 1 tapança, 2 patron darağı, 16 ədəd patron, Kəlbəcər rayonu ərazisindən isə 1 avtomat silahı, 1 pulemyot, 1 tüfəng, 200 ədəd müxtəlif çaplı patron aşkar edilərək götürülüb.