Bu liseydə qanun pozuntusu AŞKARLANDI - Cinayət işi açıldı
![Bu liseydə qanun pozuntusu AŞKARLANDI - Cinayət işi açıldı](https://sfera.az/photo/orginal/2024/06/21/1718959727_145011ed-1bc9-30be-b8cc-4fd4009d67c5_850.jpg)
Təhsil müəssisəsində aşkar edilmiş qanun pozuntuları ilə bağlı cinayət işi başlanıb.
Bu barədə Sfera.az-a Neftçala rayon prokurorluğundan məlumat verilib.
Bildirilib ki, Neftçala şəhər humanitar təmayüllü Muğan liseyində baş verən qanunsuzluqlarla bağlı Şirvan-Salyan Regional Təhsil İdarəsindən daxil olmuş material əsasında rayon prokurorluğunda araşdırma aparılıb.
“İlkin araşdırma zamanı həmin liseydə qeyri-qanuni sinif komplektinin yaradılması və məşğələlərin keçirilməməsi nəticəsində 35 min manatdan artıq dövlət vəsaitinin mənimsənilməsinə əsaslı şübhələr müəyyən edilib. Fakta görə Neftçala rayon prokurorluğunda Cinayət Məcəlləsinin 179.2.3 və 179.2.4-cü (qulluq mövqeyindən istifadə etməklə və xeyli miqdarda ziyan vurmaqla mənimsəmə və ya israf etmə) maddələrilə cinayət işi başlanaraq istintaq aparılır”, - qurum əlavə edib.
Günay