Yeni kriminal müharibə: “Ağbaş”ın yerinə kim keçəcək?
Kriminal
14:10 / 10.08.2021
2278
Xəbər verdiyimiz kimi, "Ağdaş” ləqəbli azərbaycanlı kriminal avtoritet Ağayar Ağayev ötən ay xəstəlikdən vəfat edib.
Sfera.az Rusiya KİV-lərinə istinadən bildirir ki, onun ölümündən sonra etnik kriminal qruplaşmalar bazara nəzarət uğrunda mübarizəyə başlayıblar.
Rusiyanın Yekaterinburq şəhərindəki 4-cü meyvə-tərəvəz topdansatış bazası uğrunda yeni kriminal müharibənin kimlər arasında olacağı isə demək olar ki, bəllidir.
Belə ki, Sverdlovsk vilayəti üzrə "smotryaşiy” olan Ağayev əvvəllər "Rövşən Lənkəranski”nin klanına daxil olub. "Rövşən Lənkəranski”nin öldürülməsindən sonra rəqib klana -"Lotu Quli”nin qruplaşmasına keçən Ağayev ən gəlirli obyektlərdən olan 4-cü meyvə-tərəvəz bazasından yığılan haqqı da bu klanın kassasına aparıb.
Hazırda "Ağbaş”ın yerinə ən iddialı namizəd onun qohumu Ruslan Ağayevdir. Amma Ruslanın cəmi 27 yaşı var və hazırda həbsxanada cəza çəkir. Bu isə onun əleyhinə işləyən amillərdir.
Aysel
Sfera.az
