Azərbaycanda redaktoru güllələyib öldürən dayıoğlu ələ keçdi
10:15 / 22.01.2021
2521
Şəmkir rayonunda qətl hadisəsi törədən şəxs saxlanılıb.
Sfera.az xəbər verir ki, hadisə yanvarın 21-də rayonun Qədim Qala kəndində baş verib.
Belə ki, kənd sakini, 1985-ci il təvəllüdlü Bəxtiyar Əliyev dayısı oğlu Vasif Aslanov tərəfindən odlu silahla qətlə yetirilib.
Məlumata görə, bir neçə gün əvvəl B.Əliyev V.Aslanovu şantaj edib. Qohumunun bu əməlindən bezən V.Aslanov B.Əliyevi odlu silahla öldürüb.
Şəmkir Rayon Polis əməkdaşları tərəfindən saxlanılan V.Aslanovdan lüləsi kəsilmiş tüfəng götürülüb.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Xatırladaq ki, B.Əliyevin bölgədə fəaliyyət göstərən qəzetlərdən birinin redaktoru və təsisçisi olduğu bildirilir.
(report)
