Sfera.az-ın məlumatına görə, bunu "Atlas” Araşdırmalar Mərkəzinin rəhbəri Elxan Şahinoğlu deyib. Onun sözlərinə görə, ölkə başçısının ADA Universitetindəki çıxışında ən vacib fikir "İsgəndər” raketləriylə bağlı olub:

"Çünki prezident Rusiya ilə münasibətlərdə gərginliyin yarandığını etiraf etdi. Birincisi, prezident dedi ki, Rusiya Prezidenti Vladimir Putinlə "İsgəndər-M” raketi ilə bağlı məsələni müzakirə edib. İkincisi, prezident dedi ki, onun tapşırığıyla Azərbaycan Müdafiə Nazirliyi fotolarla birlikdə sübutların olduğu rəsmi məktubu Moskvaya göndərib, ancaq heç bir cavab alınmayıb.

 

Fikrimcə, İlham Əliyevin iki gün ərzində "İsgəndər-M” raketləri ilə bağlı ard-arda verdiyi bu açıqlamalardan sonra Kreml hansısa şəkildə cavab verməyə çalışacaq. Çünki Kremldə anlamamış deyillər ki, İlham Əliyev onlardan cavab istədiyini dünyaya bəyan edib”.

 

Günay