Koronavirusla “sevgi rəqsi”: Çinli tibb işçisinin evlilk təklifi onu dünyada məşhurlaşdırdı
Tibb qardaşı koronaviruslu xəstəxanada iki ay birgə işlədiyi həmkarına evlilik təklifi edib.
Sfera.az Daily.Mail nəşrinə istinadla xəbər verir ki, Çinin Hubey əyalətinin Uhan şəhərindəki xəstəxananın reanimasiya şöbəsində çalışan tibb qardaşı öz həmkarına evlilik təklifi edib. Onlar iki ay koronaviruslu xəstələrə birlikdə qulluq ediblər.
Aprelin 15-i, məxsusən koronaviruslu xəstələr üçün inşa edilənLeyşenşan xəstəxanasının bağlanış günündə 22 yaşlı Hu Çjimin (Hu Zhimin), əlində bir dəstə çiçək diz çökərək həmkarı Tzen İninə (Zeng Yingying) evlilik təklifi edib.
"Sən sadəcə xoşuma gəlmirsən, mən səni sevirəm. Mənimlə evlənərsən?”,-deyə, Çjimin xəstəxananın digər əməkdaşlarının gözü qarşısında sevgilisinə evlilik təklifi edib. İnin əvvəlcə təəccüblənib, amma bir neçə saniyə götür-qoy edəndən sonra təklifi qəbul edib.
Çjimin həmkarına koronaviruslu xəstələrin həyatını xilas etmək üçün gecə-gündüz birlikdə işlədikləri zaman aşiq olduğunu bildirib."Biz Leyşenşan xəstəxanasında birlikdə68 soyuq gecə növbəsi yaşamışıq. Hər dəfə növbədən sonra çölə çıxandagünəş istisindən həzz alırdıq. Sevgimi bu cür etiraf etməkdə məqsədim onu daha güclü, daha təsirıi etməkdir”
İnin əlavə edib ki, onlar pasientlərin həyatı uğrunda iki ay çiyin-çiyinə mübarizə apararaq epidemiya zamanı bütün çətinliklərə sinə gərməyi bacarıblar.
Qeyd edək ki, epidemiyanın pik həddində Uhandakı koronaviruslu xəstələri qəbul etmək üçün tikilən 1.5 min çarpayılıq Leyşenşan xəstəxanası 14 günə inşa edilib. Bu, 10 günə tikilən 1000 çarpayılıq Huoşenşan xəstəxanasından sonra, şəhərdəki ikinci müvəqqəti xəstəxanadır. Xəstələr sağalıb evlərinə buraxıldıqdan sonra hər iki səhiyyə müəssisəsi bağlanıb.
Daha əvvəl bildirilmişdi ki, Çindən olan tənha tibb bacısı ölkə rəhbərliyindən koronavirusla mübarizədə mükafat olaraq ona sevgili tapmağı xahiş edir. O, həmçinin bildirmişdi ki, boyu 1,7 metr olduğundan, ucaboy kişi ilə münasibət qurmaq istəyir.
Selcan
Sfera.az