Sfera.az bildirir ki, bu istiqamətdə "London College” universitetinin əməkdaşları çalışıblar. Məlum olub ki, virus bəzi insanların bədənlərinə daxil olsa da, erkən mərhələdə immun sistemi tərəfindən təmizlənir. Belə ki, "T” adlı hüceyrələr dərhal virusa müdaxilə edir və "abort infeksiya” adlanan vəziyyəti həyata keçirir. Bu baş verdikdə, COVID-19-a səbəb olan virus çoxala bilməyərək yox olur.

Tədqiqatın müəllifləri İngiltərənin paytaxtı Londonda pandemiyanın ilk dalğası zamanı monitorinq edilən tibb işçilərinin təxminən, 15 faizinin bu təsvirə uyğun olduğunu bildiriblər. "Nature” jurnalında dərc olunan yazıya əsasən, pandemiyanın ilk dalğası zamanı infeksiya əlamətləri müşahidə edilən 750-dən çox tibb işçisi intensiv şəkildə izlənilib. Yoluxma riskinin yüksək olmasına baxmayaraq, 58 iştirakçının test nəticələri pozitiv çıxmayıb. Bununla birlikdə, bu şəxslərdən alınan qan nümunələrində, virusa heç vaxt yoluxmayan insanlara nisbətən, "T” hüceyrələrində artım müşahidə olunub.