No Image
No Image

Köçəryanın sabah Yerevanda keçirəcəyi mitinq "Qarabağ klanı"nı "diriltməyə" yetəcəkmi? - ŞƏRH

Köçəryanın sabah Yerevanda keçirəcəyi mitinq
"Ermənistanın keçmiş prezidenti Robert Köçəryanın mayın 9-u tərəfdarları ilə birlikdə Yerevanın Azadlıq meydanında mitinq keçirəcəyi haqqında məlumatlar var. Hələ Qarabağda hakimiyyətdə olarkən yaxın dostu olan Arkadi Qukasyanla birləşməsi və birlikdə seçkiyə getmələri onların seçkidən gözləntilərinin daha böyük olması haqqında düşünməyə əsas verir”.

Bunu Sfera.az-a açıqlamasında politoloq Əlimusa İbrahimov deyib. O qeyd edib ki, bir neçə ay bundan əvvəl növbədənkənar parlament seçkilərində Paşinyanın yeganə namizəd olacağı proqnozlaşdırılsa da, Köçəryanın seçki kampaniyasına qoşulması vəziyyəti Nikolun əleyhinə bir qədər dəyişdi:

"Lakin bu, Köçəryanın Paşinyana ciddi rəqib olması anlamına gəlməməlidir. Sadəcə Köçəryan bütün imkanlarından, o cümlədən Rusiyanın paytaxtına qədər gedib çıxan imkanlarından istifadə edir ki, seçkilər zamanı Paşinyan və onun seçkiqabağı blokuna problemlər yaratsın.

Məlumdur ki, Köçəryan 1 mart 2008-ci il hadisələrinə görə, Konstitusiya quruluşunu devirmək maddəsi ilə 3 ilə yaxın həbsxanada yatdı və sonda 5 milyon dollar girov müqabilində zaminə buraxıldı. Paşinyan ciddi cəhdlə Köçəryanı həbsxana divarları arasında saxlamağa çalışsa da, Rusiyanın təzyiqi və Köçəryandan qalma məhkəmə hakimlərinin ikiüzlülüyü nəticəsində buna nail ola bilmədi. Paşinyanla Köçəryan qarşıdurmasında müvəqqəti olaraq təşəbbüs Köçəryanın tərəfindədir - seçkilərə qədər”.

Politoloq bildirib ki, seçkilərdən sonra yeni qüvvə ilə hakimiyyəti formalaşdıracaq Paşinyan Robert Köçəryan, Serj Sarkisyan, Arkadi Qukasyan və onun kimi onlarla Qarabağ klanının üzvləri ilə birdəfəlik haqq-hesab çəkəcək:

"Artıq hamı başa düşür ki, onların Ermənistanın siyasi səhnəsindən silinib atılması vaxtı çatıb. Çünki bu klan Ermənistanın yenidən həyata dönərək normal region dövlətləri sırasına qayıtması yolunda böyük maneədir. Paşinyan nəzərdə tutduğu siyasi və iqtisadi kursun qalib gəlməsini istəyirsə, bu klanı birdəfəlik qarşısından götürməlidir.

Robert Köçəryan və Arkadi Quqasyan qrupunun mayın 9-na Yerevanın Azadlıq meydanında keçirilməsini planlaşdırdığı mitinq kəşfiyyat səciyyəsi daşıyır və onların seçki ilə bağlı yaxın gələcəkdə atacaqları addımların müəyyənləşməsinə yardım edəcək”.

Müsahibimiz xatırladıb ki, bir neçə gün bundan əvvəl Köçəryan Ermənistanın birinci prezidenti Levon Ter-Petrosyanın seçki ilə əlaqədar birləşmək təklifini rədd etdi və bunu əsaslı olmayan mənəvi məsələlərlə əlaqələndirdi:

"Amma o, həbsxanaya həyatı keçirən, Qarabağdan olan Arkadi Qukasyanla birləşir. Deməli, Köçəryan qarşıdan gələn seçkilərdə Qarabağ klanını yenidən fəal siyasi həyata qaytarmaq üçün istifadə etməyə çalışacaq. Onun bu niyyəti haqqında Ermənistanda yetərincə məlumatlıdırlar və erməni xalqı yenidən Qarabağ bataqlığına düşmək fikrindən çox uzaqdır. Köçəryanın bütün cəhdlərinə və aktivliyinə baxmayaraq, həm daxili, həm də xaricdən olan dominant siyasi qüvvələr tərəfindən ona revanş götürməyə imkan verilməyəcək.

Günay Rəsulqızı
Sfera.az

Sehliyali
Turan Bank

OXŞAR XƏBƏRLƏR

Hikmət Hacıyev: “Sosial media saxta xəbərləri böyüdür”

"Sosial media saxta xəbərləri böyüdür. Süni intellekt bu problemi daha da artırır”. Sfera.az xəbər verir ki, bu fikirləri Azərbaycan Respublikası Preziden...

Zelenskinin yeni bəyanatı nəyə hesablanıb? – “Ukrayna Türkiyə ilə ittifaq halına gələcək...”

Xəbər verdiyimiz kimi Ukrayna Prezidenti Vladimir Zelenski Qərb ölkələrinin Donbasdakı böhranın həlli istiqamətində hərəkətli olmağa çağırıb. Ölkə başçısı əks h...

Bakı ilə Moskva arasında iclas - Hansı məsələlər Rusiya Şurasında gündəmə gətirildi?

İyunun 16-da Moskvada Azərbaycan Respublikası Milli Məclisinin və Rusiya Federasiyası Federal Şurasının ikitərəfli əməkdaşlığı üzrə parlamentlərarası komissiyas...

Şuşa bəyannaməsi: Sabit sülhə doğru - VİDEO

İyunun 15-də Azərbaycanın Şuşa şəhərində Cənubi Qafqazda sülh və sabitliyi uzun müddət möhkəmləndirməyə imkan verəcək bir hadisə baş verdi. "Caliber”in "Y...

Ərdoğan Cıdır düzündən foto paylaşdı: "Azadlığa qovuşan Qarabağ..."

"Azadlığa qovuşan Qarabağ, azadlığa qovuşan qədim şəhər Şuşa...” Sfera.az xəbər verir ki, bu sözlər Türkiyə Prezidenti Rəcəb Tayyib Ərdoğanın rəsmi feysbu...

“Şuşadan verəcəyimiz mesajların çox önəmli olduğuna inanıram”

"Azərbaycan xalqını Qarabağ Zəfəri münasibətilə bir daha təbrik edirəm. Tarixdə bir çox incəsənət xadimi yetişdirmiş Azərbaycanın mədəniyyət paytaxtı Şuşadan bö...