\"İsgəndər-M”lə bağlı Rusiyanın cavabı nə olacaq? – “Deyəcəklər ki, guya 102-ci briqada keşikçiləri...”
15:38 / 13.04.2021
2398
Kremlin sözçüsü Dmitri Peskov "İsgəndər-M”
raketlərinin qalıqlarının aşkar edilməsi mövzusunun Rusiya və Azərbaycan hərbçiləri
arasında davam edən "sıx dialoqda” müzakirə edildiyini deyib.
Bu, sözügedən raketin ermənilər tərəfindən
istifadə edilib edilməməsi ilə bağlı araşdırmanın baş tutacağı anlamına gəlir.
Maraqlıdır, Rusiyanın yekun qənaəti nə olacaq?
Sabiq dövlət müşaviri,
politoloq Qabil Hüseynli mövzu ilə bağlı Sfera.az-a danışıb. Politoloq rusların reallığı etiraf
etməyəcəyini bildirib:
"Çox güman ki, ruslar bir müddət gözə
"kül üfürməklə" məşğul olacaqlar. Sonda isə böyük ehtimalla deyəcəklər
ki, guya 102-ci briqada keşikçiləri ayıq-sayıq olmayıb buna görə də ermənilər
"İsgəndər-M" raketinin bir neçəsini götürüb aparıblar. Yaxud da əvvəldən
açıqlama verdikləri kimi deyəcəklər ki, belə bir şey olmayıb. Rusların nələr
fikirləşəcəyini tam dəqiqliklə proqnozlaşdırmaq olmur. Amma istənilən halda
reallığı etiraf etməyəcəklər".
Müsahibimizin sözlərinə görə, Rusiya tərəfi
reallığı etiraf edərsə, bir yox, bir neçə şəxs çətin vəziyyətə düşəcək: "Rusiya beynəlxalq konvensiya imzalayıb.
Beynəlxalq konvensiyada göstərilir ki, uçuş məsafəsi 280 kilometrədək olan
ortamənzilli raketlərdən istifadə etmək olar. Onların istifadə etdiyi raketlər
isə 500-600 km uçmağı bacarır və insanlıq üçün ciddi təhlükə yaradacaq gücdədir.
ABŞ vaxtı ilə "İsgəndər-M" raketinin istifadəsini qadağan edib, görünən
odur ki, Rusiya hələ də bu raketlərdən imtina etmir.
Əzizə Zeynal
Sfera.az