İranlı nazir azərbaycanlılardan üzr istədi

İranlı nazir azərbaycanlılardan üzr istədi
 
İranın İdman naziri Məsud Sultanifər azərbaycanlılardan və "Traxtur” tərəfdarlarından üzr istəyib.

Sfera.az Publika.az-a istinadən xəbər verir ki, bu barədə Cənubi Azərbaycanın Mərənd və Culfan rayonları üzrə İran parlamentindəki millət vəkili Məhəmməd Həsənnəcad informasiya yayıb.

Millət vəkili bildirib ki, nazir azərbaycanlıları və digər etnik qrupları təhqir edən futbol komandalarına qarşı tədbir görəcək.

Qeyd edək ki, bu gün İran Parlamentin Mədəniyyət Məsələləri Komissiyasında idman nazirinin iştirakı ilə iclas keçirilib. İclasın yekununda nazirin deputatların suallarına cavab verməsi üçün parlamentə çağırılması tələbinin məclisə göndərilməsi barədə qərar qəbul olunub.

Məhəmməd Həsənnəcad keçirilən iclasın təfərrüatı barədə məlumat paylaşıb.

"Keçirilən iclasla bağlı mənə çox sayda suallar ünvanlanıb. Ona görə də iclasla bağlı bəzi məsələlərə aydınlıq gətirmək istəyirəm:

1- "Traxtur” tərəfdarlarının "Azadi” stadionu, Rəşt şəhəri və s. kimi yerlərdə təhqirlərə məruz qalması ilə bağlı şikayətlər rəsmi formada təqdim olundu.

2- Dəyərli komanda azarkeşlərinin hakimlərlə bağlı İdman Nazirliyindən şikayəti, "Traxtur” komandasına qarşı təxribat və matçların nəticəsinin öncədən planlaşdırılması haqda etirazları faktlarla dilə gətirildi.

3- Komanda tərəfdarlarına yaradılan imkanlarla bağlı klublar arasında ayrıseçkiliyə yol verilməsi haqda şikayətlər də çatdırıldı.

4- Hörmətli nazir qeyd olunan bütün məsələləri qəbul edərək azərbaycanlılar və "Traxtur” tərəfdarlarından üzr istədi.

5- Komanda ilə bağlı təxribata qarşı məsələyə baxılacaq. Nazir bu barədə gələn həftəyə qədər qərar çıxarılacağına söz verib.

6- Azərbaycanlıları və digər qövmləri təhqir edən komandalar ağır cərimə ödəməli olacaq.

7- Qeyri-adi davranışlar və bu istiqamətdə qanun pozuntularını araşdıran komitə yaradıldı.

8- "Persepolis” və "İstiqlal” klublarının özəlləşdirilməsi prosesinin sürətləndirilməsinə söz verildi.

Bütün bunlara baxmayaraq nazirin millət vəkillərinin suallarını cavablandırmaq üçün parlamentə çağırılması məsələsi hələ də qüvvədədir.”- deyə o qeyd edib.

Milət vəkili verilən vədlərin konkret olaraq nə zaman və hansı formada həyata keçiriləcəyi barədə dəqiq məlumat verməyib.

OXŞAR XƏBƏRLƏR

"Bu icra başçısı iki gün əvvəl yasda iştirak edib halva yemişdi" — Keçmiş deputat ona “artist” dedi

 "Sizə də elə gəldi ki, Şəmkirdə yas yasağı var, ancaq yerli əhali buna əməl etmir? Mən o icra başçısının elədiyi "artist"liyə bir qədər sonra qayıdaca...

Bu gündən Azərbaycanda daha bir QADAĞA BAŞLADI

  Bu gündən Azərbaycan ərazisində ictimai yerlərdə, o cümlədən küçələrdə, parklarda və digər yerlərdə şəxslərin (yaxın qohumlar, yəni ata-ana, nənə-baba, ...

“Qızdırması düşmüşdü, sonra gördük ki…” – Koronavirusdan ölən baş redaktorun xanımı

  Ötən gün koronavirusdan dünyasını dəyişən AzTV-nin Kinoproqramlar və dublyaj redaksiyasının baş redaktoru, əməkdar incəsənət xadimi Etibar Babayev bu gü...

Həftəsonları hansı taksilərin fəaliyyətinə icazə veriləcək - AÇIQLAMA

  Həftəsonları hansı taksilərin fəaliyyət göstərəcəyi məlum olub. Sfera.az xəbər verir ki, bu barədə APA-ya Baş Dövlət Yol Polis İdarəsinin ictimaiy...

SON DƏQİQƏ! DİN VACİB məlumat yaydı - TƏCİLİ

  Daxili İşlər Nazirliyi Saatlı rayonunda bir qrup sakinin su probleminə görə yolu kəsməsi və aksiya keçirməsi ilə bağlı açıqlama verib. Sfera.az &n...

DTX XİN-in bu əməkdaşlarını saxladı - ADLAR

Dövlət Təhlükəsizliyi Xidmətinin (DTX) Xarici İşlər Nazirliyində (XİN) həyata keçirdiyi anti-korrupsiya əməliyyatında saxlanılan şəxslərdən ikisinin adı məlu...