İranın Ermənistana dəstək verməsinin səbəbi bu ölkədir - Şeyx Tüfeyli
16:15 / 25.10.2021
798
"O vaxt
(1990-cı illərin əvvəllərində) İranın xarici işlər naziri Əli Əkbər Vilayəti ilə
danışdım. Niyə müsəlmanlara qarşı xristian erməniləri dəstəkləyirsiniz, deyə
soruşdum. Mənə verdiyi cavab belə oldu: Ermənistan SSRİ-dən ayrılan Azərbaycan,
Türkmənistan və digər türk respublikaları ilə Türkiyə arasında maneə yaradır”.
Sfera.az
xəbər verir ki, bu sözləri Hizbullahın ilk baş katibi və qurucusu Şeyx Sübhi
Tüfeyli İranın Ermənistanı dəstəkləməsi haqda danışarkən deyib.
"Ona
görə də biz Ermənistanı dəstəkləyərək güclənəcəyik ki, Türkiyənin yolu kəsilmiş
olsun. O dövrdə Azərbaycan müstəqilliyini yeni əldə etmişdi və orada İsrail deyə
bir şey yox idi. İran
mediası və siyasətçiləri Ermənistanın işğalına dəstək verirdilər. Elə Ermənistanın
baş naziri "İranın dəstəyi olmasaydı, 1990-cı illərin əvvəllərində Ermənistan
ordusu məğlub olardı” dedi. Hətta Azərbaycanın işğalı üçün Ermənistana hərbi və
maddi-texniki dəstək göstərilirdi", - deyə Tüfeyli bildirib.