"İranın Azərbaycana qarşı daha məkrli təxribat ssenariləri var" - Erməni iddialarına “Şah Abbasın fərmanı” ilə dəstək...

"İranın ərazilərimizə qanunsuz yük daşınmasından daha təhlükəli və daha məkrli təxribat ssenariləri var”.
 
Sfera.az bildirir ki, bunu siyasi şərhçi Elçin Mirzəbəyli deyib. O, bir neçə gün öncə İranın Ermənistandakı səfirliyinin mədəniyyət müşaviri Seyid Hüseyn Tabatabai və eyni ölkənin akademiyasının mədəni irsin araşdırılması institutunun prorektoru Mürtəza Rezvanfarinin Ermənistan milli arxivinin direktoru Qriqor Arşakyanla görüşünə diqqət çəkib:

"Tərəflər görüşdə tarixi və mədəni irsin qarşılıqlı olaraq tanınması, həmçinin arxiv məlumatlarının mübadiləsi, bununla bağlı əməkdaşlığın genişlənməsi və memarandumun imzalanması barədə razılığa gəliblər. İRİ təmsilçiləri görüşdə İranla bağlı erməni arxivlərində saxlanılan sənədlərlə yaxından tanış olmaq istədiklərini bildiriblər və Ermənistan tərəfi də öz arxivlərini açacaqlarını vəd ediblər. 

Ermənistan milli arxivinin direktoru Qriqor Arşakyan İran təmsilçilərinə ölkəsinin arxivlərində saxlanan bir sıra sənədlərlə bağlı məlumat verib və qeyd edib ki, bu sənədlərin arasında "Şah Abbasın 1607-ci ildə erməni məliklərinə Azərbaycanın Laçın, Qubadlı və Zəngilan rayonlarında iri torpaq sahələri ayırması ilə bağlı fərmanı” da var. Qriqor Arşakyan İran təmsilçilərinə həmin "fərman”la tanış olmağa imkan yaradacağını vəd edib və belə bir imkanı yaradıb da. Güman edirəm ki, belə bir görüşün hansı səbəblərdən keçirildiyi, Ermənistan milli arxivinin direktorunun dilindən səsləndirilən "Şah Abbasın fərmanı” ilə bağlı məqamlardan aydın oldu”.

E.Mirzəbəyli qeyd edib ki, erməni tərəfinin iddialarına görə, Gorus-Qafan yolunun Qubadlı rayonundan keçən hissəsi və "Laçın dəhlizi”nin keçdiyi ərazi sözügedən "fərman”la erməni məliklərinə verilibmiş:

"Tarixçi deyiləm və bu baxımdan düşünürəm ki, məsələnin tarixi tərəfinə aydınlıq gətirmək, Azərbaycan tarixçilərinin işidir. Siyasi şərhçi və araşdırmaçı kimi vəzifəm ölkəmizə qarşı planlaşdırılan təxribat ssenarilərini aşkarlamaq və ictimai rəyə təqdim etməkdən ibarətdir. Göründüyü kimi İranla Ermənistan Azərbaycana və qənaətimə görə, həm də Türkiyəyə qarşı "tarixi arxiv sənədləri” müstəvisindən birgə fəaliyyətə başlayacaq və beynəlxalq müstəvidə bu istiqamətdə səylərini birləşdirəcəklər”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Ermənilərin 2 yeni sənəd və sərhədlərlə bağlı iddialarına REAKSİYA

Ermənistan mediası daha bir iddia ilə çıxış edib.   Sfera.az bildirir ki, bu barədə siyasi şərhçi Asif Nərimanlı məlumat verib. O qeyd edib ki, erməni mə...

"Üçtərəfli komissiyanın görüşü siqnal xarakteri daşıyır" - Azərbaycan domino daşı effekti ilə...

"Maraqlı məqam ondan ibarətdir ki, baş nazirlərin müavinləri səviyyəsində yaradılmış üçtərəfli komissiyanın fəaliyyətini Ermənistan tərəfi dondurmuşdu. Bəhanə o...

Rəsmi Bakı hərəkətə keçdi: Qarabağdakı erməni silahlı dəstələri tərksilah edilir - AÇIQLAMA

Bu gün erməni QHT sədri Aşot Arutunyan öz çıxışında Qarabağda - rusiyalı sülhməramlı qüvvələrinin müvəqqəti nəzarəti altında olan Azərbaycan ərazisində yerləşmi...

Prezidentdən Zəngəzur mesajı: İstədiyimizə nail oluruq

Bilirsiniz ki, sovet vaxtında Zəngilanda hava limanı yox idi. Amma indi nəinki hava limanı, beynəlxalq hava limanı olacaq və Zəngilan ölkəmizin nəqliyyat logist...

Bu gün Moskvada baş tutacaq görüşdən GÖZLƏNTİLƏR - Zəngəzur dəhlizi...

Bu gün Moskvada Azərbaycan, Rusiya və Ermənistan üçtərəfli İşçi Qrupunun növbəti iclası keçiriləcək. Görüşdə üç ölkənin baş nazirlərinin müavinləri Şahin Mustaf...

Prezidentin MDB Dövlət Başçıları Şurasının iclasındakı çıxışı - TAM MƏTN

Azərbaycan Respublikasının Prezidenti İlham Əliyev oktyabrın 15-də Müstəqil Dövlətlər Birliyinin Dövlət Başçıları Şurasının videokonfrans formatında keçirilən i...