"İran Azərbaycana qarşı əsassız ittihamlara görə üzr istəməsə..." - SƏRT AÇIQLAMA

Son günlərdə Azərbaycana qarşı açıq böhtan və təhdidlər nümayiş etdirən İran məsələsi gündəmdən düşmür. Prezident İlham Əliyev də bir neçə dəfə  öz çıxışlarında İranla yaşanan gərginliyə münasibət bildirib. Eyni zamanda, ötən günlərdə İran tərəfinin təşəbbüsü ilə Azərbaycanın xarici işlər naziri Ceyhun Bayramovla İranın xarici işlər naziri Hüseyn Əmir Abdullahian arasındakı telefon danışığında iki ölkə arasında münasibətlərin son vəziyyəti müzakirə edilib.
 
Maraqlıdır, İran-Azərbaycan arasındakı gərginlik nə zaman sona çatacaq? Rəsmi Tehran öz səhvini başa düşərək gərginliyi aradan qaldıracaq addımlar ata bilərmi?

Mövzu ilə bağlı Sfera.az-a açıqlama verən Milli Məclisin deputatı Cavid Osmanov xatırladıb ki, İranın mollasından tutmuş, bəzi millət vəkilləri, parlament üzvlərinə qədər - rəsmi şəxsləri tərəfindən ölkəmizə qarşı əsassız ittihamlar səsləndirilib:

"İran Azərbaycanın 44 günlük Vətən Müharibəsində əldə etdiyi tarixi qələbədən sonra bölgədə yaranmış yeni reallığı həzm edə bilmir və görünür, qələbəmiz onların yürütdüyü siyasətə uyğunlaşmır. Əslində İran çalışdı ki, əzələ nümayiş etdirsin - Azərbaycanla sərhəddə, Xəzər dənizində hərbi təlimlər keçirdi.  Heç bir ölkənin Azərbaycanın daxili işlərinə qarışmağa haqqı yoxdur və buna icazə vermərik. O cümlədən İranın əsassız ittihamlarını Azərbaycan tərəfi rədd edir. 
Nəhayətdə, İranın XİN rəhbəri Azərbaycanın XİN rəhbəri ilə əlaqə saxladı və  telefon danışığında son gərginlik müzakirə edildi. İran tərəfinin son məlumatı ondan ibarətdir ki, bu ölkənin XİN rəhbəri Azərbaycana səfər etmək niyyətindədir. Ümumilikdə, əgər İran öz qərəzli mövqeyindən, əsassız iddialarından əl çəkməsə, əlbəttə, Azərbaycan da öz növbəsində İranla olan münasibətlərinə yenidən baxmağa məcbur olacaq”.

Müsahibimizin sözlərinə görə, İran səhvini başa düşüb Azərbaycana qarşı əsassız ittihamlara görə üzr istəməsə, qərəzini davam etdirərsə, uduzan tərəf elə özü olacaq:

"Çünki Azərbaycan artıq bölgədə sülhün təmin olunmasında ən vacib aktorlardan biridir. İran nə qədər çabalasa da, Ermənistan xaric, bölgə ölkələrinin hər biri, o cümlədən dünya ölkələri İranın əsassız ittihamlarını qınayırlar. Bununla bağlı İran XİN rəhbəri tələsik Moskvaya da getdi və oradan üzgün vəziyyətdə əliboş qayıtdı. Ətrafımızda olan müttəfiqimiz, qardaş ölkə Türkiyə, eyni zamanda Pakistan hər zaman bizim yanımızdadır. Belə ittihamlarla Azərbaycanın daxili işlərinə qarışmaq yolverilməzdir. Həmçinin, onlar bizim müstəqil siyasət yürütməyimizə mane ola bilməyəcəklər”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

ABŞ müdafiə naziri regiona buna görə gəlir: Hədəf Rusiyadır, yoxsa İran?

"ABŞ müdafiə naziri Lloyd Austinin baş tutacaq səfəri təsadüfi deyil. Vaşinqton regionda baş verən proseslərdən narahatdır. Xüsusilə, Rusiya və İran faktoru v...

“Ermənistandan başqa heç bir Qafqaz ölkəsində dini ayrıseçkilik halı müşahidə olunmur” - Açıqlama

Bu gün Beynəlxalq Ədalət Məhkəməsində Azərbaycanın "İrqi ayrıseçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə E...

İsrailin baş naziri Soçidə nəyə nail olmaq istəyir? – Şərh

"22 oktyabr 2021-ci ildə İsrailin yeni seçilmiş baş naziri Bennetti Naftali Rusiyanın Soçi şəhərinə səfər edəcək və orada Rusiya Prezidenti Vladimir Putinlə ...

“Rəsmi Bakının hər açıqlamasına mikroskopla baxan İran məscidlərdəki donuzları görmürdü? - Etiraz

"İran dövlət rəsmiləri və din xadimləri İlham Əliyev və Azərbaycan siyasətçilərinin bu ölkə haqqında söylədikləri bütün ifadələrə mikroskop altında baxır, onl...

Pekin Qazaxıstanı blokadaya salıb – Politoloq gərginliyin detallarını açıqladı

"Çin sentyabr ayının ortalarından başlayaraq Qazaxıstanla sərhəddən malların keçidini məhdudlaşdırıb. Sərhəddə Qazaxıstana aid 4 mindən çox konteyner ilişib ...

"Şəhid edilən bir əsgərimizə görə 20 erməni əsgəri öldürülməlidir" - Fazil Mustafa

"Bir şəhid edilən əsgərimizə görə 10-20 erməni əsgərinin öldürülməsi ilə cavab verməliyik".   Sfera.az xəbər verir ki, bunu deputat Fazil Mustafa Milli M...