Sfera.az xəbər verir ki, bu sözləri politoloq Elxan Şükürlü deyib.

Onun sözlərinə görə, xüsusən də Moskvada Rusiya, Ermənistan və Azərbaycan baş nazirləri müavinlərinin iştirakıyla keçirilən Üçtərəfli Komissiyanın toplaşdığı bir gündə İran tərəfinin Azərbaycanın haqlı iradlarını qəbul etdiyini bildirən məlumat yayması göstərir ki, rəsmi Tehran artıq 44 günlük Qarabağ savaşından sonra bölgədə yaranmış yeni reallıqları qəbul etməyə və ona təklif olunan şərtlərlə proseslərdə iştiraka hazırdır:

"Moskva görüşüylə üst-üstə düşən daha iki mühüm bəyanat - İranın yeni prezidenti İbrahim Rəisinin "Biz sionistlərin qonşularla münasibətlərimizi pozmasına imkan verməyəcəyik” cümləsi və Türkiyə Prezidenti Rəcəb Tayyib Ərdoğanın da "İran Azərbaycanı hədəf taxtasına qoymaz, İranın yeni rəhərliyi bu yanlışı davam etdirməz” açıqlaması o deməkdir ki, Türkiyə prezidentinin təklif ediyi "Altılıq” formatını kimlərinsə dağıtmaq istəyi baş tutmayacaq və münasibətlərin gələcək inkişafı da məhz bu formatda davam etdiriləcək.

Azərbaycanın istədiyi də elə budur: keçmiş imperiya varisləri olan 3 böyük qonşusu – Rusiya, İran və Türkiyə arasında əsas bağlayıcı, "körpü ölkə” statusunu qoruyub saxlasın, onların qarşıdurma yox, əməkdaşlıq və dostluq mərkəzinə çevrilsin.

 

 

Turan Rzayev