Bank BTB-də daha bir Departament yaradılıb və rəhbər təyin edilib
Bank BTB-də daha bir Departament yaradılıb və ona rəhbər təyin edilib.
Bankdan daxil olmuş məlumatda bildirilir ki, Pavel Karpenko Bank BTB-nin Rəqəmsal Bankçılıq departamentinin direktoru vəzifəsinə təyinat alıb. O, bankda proqramlaşdırma və rəqəmsal inkişaf proseslərinə rəhbərlik edəcək.
Pavel Karpenko Azərbaycan Neft Akademiyasının Tədbiqi Riyaziyyat fakültəsini fərqlənmə diplomu ilə bitirib. Pavel Karpenko maliyyə strukturunda İT İdarəetmə, Məlumat Təhlükəsizliyi, Bizness Proseslərin və Xidmətlərin Rəqəmsal Transformasiya inkişafı sahəsində geniş ixtisaslaşma üzrə fəaliyyət göstərib. Pavel Karpenko peşəkar fəaliyyətinə baş proqramçı kimi başlayaraq Muganbank-da Departament rəhbərinədək peşəkar yol keçmişdir.
İnformasiya Sistemlərinin Təhlükəsizliyi üzrə Sertifikatlı Peşəkar (CISSP), Bankın davamlı fəaliyyətinin təşkili, SAP Bizness Obyektləri, Oracle OCP, Microsoft ASP.NET və başqa istiqamətlər üzrə sertifikatlaşdırılmış kurslardan və təlimlərdən keçib.
Qeyd edək ki, Bank "BTB” ASC-də 2019-2021-ci illər üçün yeni təsdiqlənmiş strateji planında rəqəmsal bankçılığın inkişafı xüsusi yer alıb. Belə ki, yeni inkişaf strategiyası çərçivəsində bank diqqət və resurslarını müştərilərinin biznes ehtiyaclarına uyğun rəqəmsal həllərin yaradılmasına yönəldib. Əsas hədəf daim inkişaf edən və innovativ texnologiyalarından istifadə edərək Bankın mövcud əməliyyatlarını alternativ rəqəmsal kanallar vasitəsi ilə rahat, tez və təhlükəsiz qaydada həyata keçirilməsini təmin etməkdir.
Xatırladaq ki, Bank "BTB” ASC 2019-2021-ci illər üçün yeni strateji planın çərçivəsində yeni kadrların cəlb olunması prosesinə start verib. Bundan öncə bankda Kreditlər, Hüquq və Marketinq departamentlərində təyinatlar edilib. Hal-hazırda qeyd olunan istiqamətlər üzrə bankda aktiv vakansiyalar //bit.ly/2KpKQTm mövcuddur.
