"Yenidənqurmaya 26 milyard vəsait ayrılıb"

Kateqoriya məlum deyil23.10.2026 11:37

Xəbərləri Google-da birbaşa sfera.az-dan alınGoogle-da sfera.az-a abunə olGoogle axtarışında sfera.az-ı seçilmiş mənbə kimi əlavə edinAbunə ol

“Oktyabr ayında işğaldan azad olunan 4 rayonumuzun şəhər günləri qeyd olunur. 3 gün öncə Zəngilanda keçirilən şəhər günü 2 gün sonra Qubadlıda qeyd ediləcək. Zəfərdən sonra işğaldan azad olunan ərazilərimizdə iqtisadiyyatın formalaşması və re-inteqrasiyası prosesi intensiv şəkildə davam etdirilməkdədir”.

Sfera.az xəbər verir ki, bu fikirləri Milli Məclisin deputatı Vüqar Bayramov bildirib.

"Yenidənqurmaya 26 milyard vəsait ayrılıb"

Millət vəkili qeyd edib ki, “Böyük Qayıdışa dair I Dövlət Proqramı” çərçivəsində uzun müddət işğal altında qalan və tamamilə dağıdılan ərazilərimiz yenidən bərpa olunur, keçmiş məcburi köçkünlərin doğma yurdlarına təhlükəsiz qayıdışı təmin edilir:

“İndiyədək bərpa və yenidənqurmaya dövlət büdcəsindən 26 milyard manat vəsait ayrılıb. Azərbaycan bu işləri öz maliyyə imkanları hesabına həyata keçirir. Bu bir daha Azərbaycanın gücünü təsdiq edir. Son illər həm Qarabağ, həm də Şərqi Zəngəzurun iqtisadiyyatında ciddi irəliləyişlər qeydə alınıb”.

V.Bayramovun sözlərinə görə, Zəfərdən sonra Qarabağın iqtisadiyyatı 4 dəfə böyüyüb:

“Qarabağ iqtisadi rayonunda iqtisadiyyatın əsas sahələri üzrə məhsulun ümumi buraxılışı 2020-ci ildə 1 milyard 548 milyon manat idisə, indi bu göstərici 6 milyard manata çatır. Doğrudur, Qarabağ iqtisadi rayonu yalnız işğaldan azad olunan ərazilərimizi əhatə etmir. Amma işğaldan azad olunan və bərpa edilən ərazilərimizdə xüsusi iqtisadi inkişaf müşahidə edilməkdədir. Belə ki, 2025-ci ildə yalnız Ağdam rayonunda sənaye məhsulunun dəyəri 1 milyard 2 milyon manat təşkil edib ki, bu da 2024-cü ilə nisbətən 17,4 dəfə artım deməkdir. Kənd təsərrüfatında isə 2 dəfə artım qeydə alınıb”.

Deputat əlavə edib ki, Qarabağda istehsal olunan müxtəlif sənaye və qeyri-neft məhsulları Gürcüstan, Moldova, Özbəkistan, Qazaxıstan və Rusiya daxil olmaqla geniş coğrafiyaya ixrac olunur:

“Cənab Prezidentin rəhbərliyi ilə Qarabağ iqtisadiyyatının re-inteqrasiya prosesi daha sürətlənmişdir. Zəfərdən sonra həyata keçirilən yenidənqurma və bərpa işləri nəticəsində Qarabağda tikinti sektoru 10 dəfədən çox böyüyüb. İnşaat sektorundakı canlanma iqtisadiyyata yeni dəyər qatmaqla yanaşı, yeni iş yerlərinin yaradılmasına da xidmət etməkdədir. 2 gün sonra şəhər gününü qeyd edəcək Qubadlı rayonunun da daxil olduğu Şərqi Zəngəzurun iqtisadiyyatı inkişaf mərhələsinə qədəm qoyub. Zəfərdən sonra Şərqi Zəngəzurun iqtisadiyyatı 30 dəfə böyüyərək 4 milyard manatı keçib. 2020-ci ildə sözügedən iqtisadi rayonumuzda iqtisadiyyatın əsas sahələri üzrə məhsulun ümumi buraxılışı cəmi 134 milyon manat idi. Artıq Şərqi Zəngəzurun 100 milyon manatlıq sənayesi, 170 milyon manatdan çox aqrar sektoru var. Bu iqtisadi rayonumuzda tikinti sektorunun həcmi 4 milyard manata yaxınlaşmaqdadır. Göründüyü kimi, Qarabağ Azərbaycanın yeni iqtisadi inkişaf drayverinə çevrilməkdədir. Bu həmçinin Azərbaycan iqtisadiyyatının dayanıqlığının və iqtisadi diversifikasiyanın dəstəklənməsi deməkdir”.

Bəsti Rəfizadə
Sfera.az

Açar sözlər:

PAYLAŞ

Kirayə mənzil qaydaları dəyişdi: Vasitəçilərin fəaliyyəti məhdudlaşdırılır

Azərbaycanda satmaq öhdəliyi ilə kirayə mənzil mexanizminə edilən dəyişikliklərdən sonra mənzil əldə etmək istəyən vətəndaşlar üçün yeni şərtlər müəyyənləşib. Kirayə hüququnun başqa şəxsə ötürülməsi üçün müddətin üç ilə qaldırılması, mexanizmdən təkrar yararlanmaq üçün beş il gözləmə tələbinin tətbiqi və kredit tarixçəsinə dair meyarların yenilənməsi sosial mənzil imkanlarından daha ədalətli istifadəyə hesablanıb. Bəs bu yeniliklər mənzilə ehtiyacı olan vətəndaşlara necə təsir edəcək?

Qızıl ucuzlaşır, Azərbaycanın valyuta ehtiyatları azalır

Son günlərdə investorların davranışlarındakı kəskin dəyişiklik qızılı ucuzlaşdırır. Sfera.az xəbər verir ki, investorlar səhmləri kütləvi şəkildə satır, əvəzində dövlət istiqrazlarına, o cümlədən ABŞ dövlət borc sənədlərinə sərmayələri artırıblar. Bu davranış dolları bahalaşdırmaqla yanaşı, qızılın da dəyərdən düşməsinə səbəb olur. Bu gün son 3 ayda ilk dəfə olaraq qızılın qiyməti 4000 dollardan aşağı düşüb. Qiymətli metal cümə axşamı günü qeydə alınan təxminən 3 faizlik azalmanın ardından,

Qızıl və gümüş ucuzlaşdı

Nyu-York birjasında qızıl və gümüşün qiyməti azalıb. Sfera.az xəbər verir ki, COMEX əmtəə birjasında qızıl fyuçerslərinin dəyəri 0.62% azalaraq 4.035 ABŞ dollarına bərabər olub. COMEX-də gümüşün unsiya üzrə fyuçersləri isə 0.88% ucuzlaşaraq 54.52 ABŞ dolları təşkil edib. ///teleqraf///

Pensiya ilə bağlı YENİLİK - Bu şəxslərə aylıq əlavə veriləcək

"Əmək pensiyaları ilə bağlı qanun layihəsi Milli Məclisdə üçüncü oxunuşda qəbul edilib. Sənəd Prezident tərəfindən imzalandıqdan sonra qüvvəyə minəcək. Yeni dəyişikliklər xüsusi şərtlərlə pensiya hüququ olan şəxslərin, o cümlədən hərbçilərin, deputatların və bir sıra dövlət qurumlarının əməkdaşlarının pensiya təminatına təsir edəcək". Sfera.az bildirir ki, bunu BAKU.WS -ə açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib. Deputatın

Azərbaycanda qızılın alış və satış QİYMƏTLƏRİ

Dünya bazarında qızılın qiymətində son günlər ucuzlaşma müşahidə olunur. Qızılın bir troya unsiyası təxminən 4 121 dollara düşüb. Son bir həftədə qızılın qiyməti təxminən 0,8% ucuzlaşıb. Bəs yerli bazarda qiymətlər hansı aralıqdadır? Sfera.az bildirir ki, paytaxtda fəaliyyət göstərən zərgər Aqil İsmayılov BAKU.WS -ə açıqlamasında bildirib ki, yerli bazarda qızılın lom kimi alış qiyməti ərəb qızılının 22 əyarı üzrə 196,2 manat, 21 əyarı üzrə isə 187,5 manatdır. Türk qızılı 125 manat, rus qızılı

"Brent" markalı neftin qiyməti 113 dolları keçdi

Londonun ICE birjasında "Brent" markalı xam neftin 2026-cı ilin dekabr ayı üçün fyuçerslərinin qiyməti 5 may 2026-cı ildən bəri ilk dəfə bir barel üçün 113 dollardan yuxarı qalxıb. Sfera.az xəbər verir ki, "Brent" markalı neftin qiyməti 4,19% artaraq barel üçün 113,38 dollara çatıb. Bu arada, noyabr ayı üçün çatdırılma üçün WTI xam neft fyuçerslərinin qiyməti 2,94% artaraq bir barel üçün 100,01 dollara çatıb.