ÜDM istehsalında bu sektorun payı 70 faizi ötdü
Azərbaycanın ümumi daxili məhsul (ÜDM) istehsalında qeyri neft-qaz sektorunun payı 70 faizi ötüb.
Sfera.az Dövlət Statistika Komitəsinin məlumatlarına istinadən xəbər verir ki, 2026-cı ilin yanvar-sentyabr aylarını əhatə edən 9 ay ərzində ÜDM istehsalı 102 milyard manat olub.
Bunun 30,326 milyard manatı neft-qaz sektorunda, 71,7 milyard manatı digər sahələrdə istehsal edilib. Doqquz ayın nəticələrinə əsasən, ÜDM-nin nominal dəyərinin 70,3 faizi qeyri neft-qaz sektorunun payına düşüb.
Xatırladaq ki, 2025-ci ilin yanvar-sentyabr aylarında da qeyri neft-qaz sektorunun payı builki qədər (70 faiz) olub. Lakin bu il neft və qaz qiymətləri çox yüksəldiyindən neft-qaz sektorunun payının artacağı təxmin edilirdi. İlk 9 ayın nəticələri göstərir ki, qeyri neft-qaz sektoru ÜDM istehsalında yüksək payını qoruya bilib.
Buna səbəb qeyri neft-qaz sektorunda istehsalın bazar dəyərinin daha çox artmasıdır. İlk 9 ayda qeyri neft-qaz sektoru 5 milyard manat, neft-qaz sektorunun dəyəri 1,82 milyard manat artıb.
Vasif
