Dollar 13 ayın maksimumuna yüksəldi

İyunun 24-də ABŞ dolları əsas dünya valyutalarına nisbətdə möhkəmlənməsini davam etdirərək son 13 ayın ən yüksək səviyyəsinə çatıb.

Sfera.az xəbər verir ki, bu barədə "Reuters" məlumat yayıb.

Məlumata görə, dolların bahalaşmasının əsas səbəblərindən biri investorların "Federal Reserve System" tərəfindən faiz dərəcələrinin artırılmasına hazırlaşmasıdır. Bundan əlavə, texnologiya və yarımkeçirici sektorlarında səhmlərin kütləvi satışı investorların dollar və dövlət istiqrazları kimi təhlükəsiz aktivlərə üz tutmasına səbəb olub.

Nəticədə dolların yen və avro da daxil olmaqla əsas valyutalar səbətinə qarşı məzənnəsini göstərən indeks 101,51 bəndə yüksəlib. Bu göstərici 2025-ci ilin may ayından bəri qeydə alınan ən yüksək səviyyə hesab olunur.

Bundan əvvəl isə "People's Bank of China" yuanın zəiflədilməsi istiqamətində siyasətini davam etdirmişdi. İyunun 24-də Çin valyutasının məzənnəsi 1 dollar qarşısında 6,8195 yuan təşkil edib. Bir gün əvvəl bu göstərici 6,8171 yuan səviyyəsində olub.

Əzizə

Sfera.az