"İnflyasiyanı sevirəm" - Tramp

ABŞ Prezidenti Donald Tramp, inflyasiyanın 4 faizdən yuxarı qalxdığını göstərən məlumatlara müsbət reaksiya verərək, jurnalistlərə inflyasiyanı sevdiyini deyib. Tramp əlavə edib ki, İranla müharibə bitdikdən sonra ABŞ-də qiymətlər düşəcək.

 

Sfera.az xəbər verir ki, dünən jurnalistlər Trampdan ABŞ-də inflyasiyasının üç ilin ən yüksək səviyyəsinə çatdığına dair sual veriblər.

 

Trampa xatırladılıb ki, bu ilin noyabrında ara seçkilər keçiriləcək. Dövlət başçısından yüksək inflyasiyanın Respublikaçılar Partiyasına zərər verib-verməyəcəyi soruşulub. Tramp buna cavab olaraq inflyasiyanı sevdiyini deyib.

 

Bununla belə o, müharibə bitdikdən sonra neft qiymətlərinin əvvəlki səviyyələrə qayıdacağını da vurğulayıb:

 

"Görəcəksiniz. Neft qiymətləri düşür və müharibədən sonra qaya kimi düşəcək".

 

Vasif
Sfera. az