1a:T7d4,

Saçlarda yaranan kəpək problemi yanlış qulluq, saç dərisinin quruması, stress və digər amillərlə əlaqəli ola bilər. Kosmetik məhsulların istənilən nəticəni vermədiyi hallarda isə təbii üsullara maraq artır.

Sfera.az xəbər verir ki, son günlər sosial şəbəkələrdə yayılan məlumatlarda kəpəyə qarşı qədim dövrlərdən istifadə edilən təbii qarışıqlardan bəhs edilir.

Orta əsrlərin məşhur həkimi İbn Sina saç dərisi problemlərinin aradan qaldırılması üçün müxtəlif təbii formulalar tövsiyə edib. Onun əsərlərində zeytun yağında bişirilmiş xətmi çiçəyi, kərəviz, küncüt yarpağı, noxud unu və digər bitki mənşəli qarışıqların saç baxımında istifadə olunduğu bildirilir.

Məlumata görə, xüsusilə çuğundur suyu ilə hazırlanan bir qarışıq kəpəyə qarşı ən çox diqqət çəkən üsullardan biridir. Qarışığın tərkibinə noxud unu, döyülmüş küncüt yarpağı, çuğundur suyu və sirkə daxildir. Bu məhsullar qarışdırılaraq məcun halına gətirilir və saç dərisində kəpək və qabıqlanma olan nahiyələrə tətbiq edilir.

Yazıda bildirilir ki, sirkənin təmizləyici xüsusiyyəti ilə çuğundur suyunun qidalandırıcı təsiri birləşərək saç dərisinin təmizlənməsinə kömək edə bilər. Bununla yanaşı, qarışığın saç köklərinin daha sağlam qalmasına dəstək verdiyi qeyd olunur. Lakin bu iddiaların müasir tibbi tədqiqatlarla tam təsdiqlənmədiyi nəzərə alınmalıdır.

Mütəxəssislər xatırladırlar ki, uzunmüddətli və ya şiddətli kəpək problemi göbələk mənşəli dəri xəstəlikləri, seboreya dermatiti və digər səbəblərlə bağlı ola bilər. Belə hallarda dermatoloqa müraciət etmək daha məqsədəuyğun hesab olunur./musavat

4:[["$","script",null,{"type":"appli

Marketlərdə satılan bu UCUZ MƏHSUL ciddi problemin dərmanı imiş